1 Omegan-bamaladba-bur-be-yeerdakleged, ¿bia be-sui-nue-sabesailad nade?
2 An-sui e-dutugaluse aidenaded,
3 Ani an, an-sui-nue-sabesailadgadid,
4 Be, an-ome-nue-sabesailad.
5 Mer bar be an-daknai gue,
6 Be-nugarmar, sibad-wawaadmar, e-absar-siklesad-sorba, oglesadgi dagudik-nakwedanidamaladyob dakleged.
7 Be-wagar, be-muswe-batenaid-imbagi
8 Ar rey-omegan e-dulapaa (60) gued,
9 degi-inigwele, unnila wargwenna nuu-yeerdaklegedyobid angad gudiid.
10 ¿Ar we doawa, yeerdakleged?
11 Sapimar-Nogalʼye-nugad-bukwadse an aidesad,
12 Degine, naded an itossulid,
13 Ome-Sulamʼgined, be dage, be dage.