1 Be, an-ome-nue-sabesailad, an-bunbalid.
2 An gabmaidgine itoakwaa an gabmaid.
3 Bato an mor esusad.
4 An-sui yawagakgi-yaa-ollo-siidgi e-argan odosad.
5 An-suiga an yawagak-egaegala, yog gwisguar an imaksad.
6 An an-sui-nue-sabesailadga yawagak-egasgua, bar gwichisulid, an-idu naded.
7 Agine geb, dulemar-nakulemalad nakuledimargua, an-aminonimalad.
8 Jerusalén-bunamala, ise-wilegagwar an bega sogmar.
9 Omegan-bamaladba-bur-yeerdakleged, be anmarga soge,
10 An-sui-nue-sabesailad, machered-nued dakleged,
11 An-sui-e-nono, or-nuedyob yeer dakleged.
12 E-ibyamar-gwabogwad-daklegedi, nuumar diwar-gakanaba-simalayob dakleged,
13 E-wagardi, wawadikid,
14 E-swidamardina, or-suarmar-daklegeyobid,
15 E-malimar-warbogwaddina, akwa-nued-mármol or-nued-sobaled-birgi-gwigwichidyob dakleged.
16 E-gakulide, bela osidikid,