Salmos 54

1 အိုဘုရားသခင်၊ ကိုယ်တော်၏ နာမတော်အားဖြင့် အကျွန်ုပ်ကို ကယ်တော်မူပါ။ ကိုယ်တော်၏ ခွန်အားတန်ခိုးတော်ဖြင့် အကျွန်ုပ်၌ အပြစ်မရှိကြောင်း ထင်ရှားစေတော်မူပါ။-

2 အိုဘုရားသခင်၊ အကျွန်ုပ်၏ဆုတောင်းပတ္ထနာကို နားညောင်းတော်မူပါ။ အကျွန်ုပ်၏နှုတ်မှ ထွက်သောစကားများကို နားထောင်တော်မူပါ။

3 မောက်မာရိုင်းပျသော သူတို့သည် အကျွန်ုပ်ကို တိုက်ခိုက်နေကြပါ၏။ ရက်စက်ကြမ်းကြုတ်သော သူတို့သည် အကျွန်ုပ်၏ အသက်ဘေးကို ရန်ရှာကြပါ၏။ သူတို့သည် ဘုရားသခင်ကို ဂရုမစိုက်ကြပါ။

4 အမှန်စင်စစ် ဘုရားသခင်သည် ငါ့ကိုကူညီစောင်မသော အရှင်ဖြစ်တော်မူ၏။ ထာ၀ရဘုရားသခင်သည်သာလျှင် ငါ့ကို ထိန်းသိမ်းစောင့်ရှောက်ထားသူ ဖြစ်တော်မူ၏။-

5 ကိုယ်တော်သည် ငါ့ကို အသရေဖျက်သူတို့အပေါ် ဆိုးကျိုးသက်ရောက် စေတော်မူလိမ့်မည်။ ကိုယ်တော်၏ သစ္စာတရား၌ ထိုသူတို့ကို ဖျက်ဆီးတော်မူပါ။

6 အကျွန်ုပ်သည် အားရဝမ်းသာစွာဖြင့် ပူဇော်သောယဇ်ကို ကိုယ်တော့်ထံသို့ ဆက်ကပ်ပါမည်။ အိုထာ၀ရဘုရားသခင်၊ ကိုယ်တော်၏ နာမတော်ကို အကျွန်ုပ်ချီးမွမ်းပါမည်။ အကြောင်းမူကား ထိုအမှုအရာသည် ကောင်းမြတ်တော်မူပေ၏။-

7 အဘယ်ကြောင့်ဆိုသော် ကိုယ်တော်သည် အကျွန်ုပ်ကို ဆင်းရဲဒုက္ခအပေါင်းတို့မှ ကယ်တင်တော်မူခဲ့ပြီဖြစ်၍ အကျွန်ုပ်၏ မျက်စိများသည်လည်း ရန်သူတို့အပေါ် အောင်မြင်ခြင်းဖြင့် ကြည့်နိုင်ခဲ့လေပြီ။