1 ငါငယ်ရွယ်စဉ်ကပင် သူတို့သည် ငါ့ကို ပြင်းထန်စွာ ညှဉ်းပန်းနှိပ်စက်ကြသည်ဟု အစ္စရာအဲလ်လူမျိုးတို့ကြွေးကြော်ကြပါစေ။-
2 ငါငယ်ရွယ်စဉ်ကပင် သူတို့သည် ငါ့ကို ပြင်းထန်စွာညှဉ်းပန်းနှိပ်စက်ခဲ့ကြပြီ။ သို့သော်လည်း သူတို့သည် ငါ့ကိုအနိုင်မရကြ။-
3 လယ်ထွန်သူတို့သည် ငါ၏ကျောကုန်းပေါ်တွင် လယ်ထွန်ခဲ့ကြ၍ သူတို့၏ထွန်ကြောင်းများကို ရှည်လျားစေခဲ့ကြ၏။-
4 သို့သော် ထာ၀ရဘုရားသခင်သည် ဖြောင့်မတ်တော်မူ၏။ ကိုယ်တော်သည် ဆိုးမိုက်သောသူတို့၏ကြိုးကို ဖြတ်တော်မူပြီ။-
5 ဇီအွန်ကို မုန်းတီးသောသူအပေါင်းတို့သည် အရှက်တကွဲဖြစ်ကြ၍ နောက်သို့ပြန်ဆုတ်ပြေးကြရပါစေ။-
6 သူတို့သည် အပင်မကြီးထွားမီ ခြောက်သွေ့သွားကြသော အိမ်ခေါင်မိုးပေါ်မှ မြက်ပင်များကဲ့သို့ ဖြစ်ကြပါစေ။-
7 ထိုမြက်ကိုရိတ်သောသူသည် လက်တစ်ဆုပ်စာမျှ မရိတ်ရ။ ရိတ်ပြီးသောမြက်တို့ကို စုစည်းသောသူသည်လည်း လက်တစ်ပွေ့စာမျှမရချေ။-
8 အနားမှဖြတ်သန်းသွားသူတို့က ထာ၀ရဘုရားသခင်၏ ကောင်းချီးမင်္ဂလာသည် သင်တို့အပေါ်သက်ရောက်ပါစေ၊ ငါတို့သည်လည်း ထာ၀ရဘုရားသခင်၏ နာမတော်၌ သင်တို့ကို ကောင်းချီးပေးပါသည်ဟူ၍ ပြောဆိုကြလိမ့်မည်မဟုတ်။