Salmos 127

1 ထာ၀ရဘုရားသခင်သည် အိမ်ကိုဆောက်လုပ်တော်မမူပါလျှင် အိမ်ဆောက်သောသူတို့၏ လုပ်ဆောင်ချက်သည် အချည်းနှီးသာဖြစ်၏။ ထာ၀ရဘုရားသခင်သည် မြို့ကိုစောင့်ရှောက်တော်မမူပါလျှင် ကင်းစောင့်သူတို့၏ မအိပ်မနေ စောင့်ကြပ်ခြင်းသည် အချည်းနှီးသာဖြစ်၏။-

2 သင်သည် နံနက်စောစောထပြီး ညဉ့်နက်ချိန်၌ အိပ်ရာဝင်ရသည့်တိုင်အောင် ပင်ပန်းစွာ လုပ်ကိုင်စားသောက်ရခြင်းသည် အချည်းနှီးသာဖြစ်၏။ အကြောင်းမူကား ထာ၀ရဘုရားသခင်သည် မိမိချစ်မြတ်နိုးတော်မူသော သူတို့အား အိပ်စက်ရသော အခွင့်ကို ပေးတော်မူသောကြောင့်ဖြစ်၏။

3 သားသမီးများသည် ထာ၀ရဘုရားသခင်၏ အမွေတော်ဖြစ်၏။ သူတို့သည် ကိုယ်တော်ပေးသနားတော်မူသော ဆုလာဘ်များဖြစ်ကြ၏။-

4 မိဘတို့အသက်ပျိုရွယ်စဉ် မွေးဖွားသောသားသမီးတို့သည် စစ်သူရဲ၏လက်ထဲမှ မြားတို့နှင့်တူကြ၏။-

5 မိမိ၏မြားကျည်တောက်တွင် မြားအပြည့်ရှိသောသူသည် မင်္ဂလာရှိ၏။ သူသည် ရန်သူများနှင့် တံခါး၀တွင် ရင်ဆိုင်ရသောအခါ မည်သည့်အခါမျှ အရှက်တကွဲဖြစ်ရလိမ့်မည်မဟုတ်။