Salmos 121

1 ငါသည် တောင်များပေါ်သို့ မျှော်ကြည့်ပါ၏။ ငါ့အတွက် အကူအညီသည် မည်သည့်နေရာမှ ရောက်လာမည်နည်း။-

2 ငါ့အတွက် ကူညီစောင်မခြင်း သည် ကောင်းကင်နှင့် ကမ္ဘာမြေကြီးကိုဖန်ဆင်းတော်မူသော ထာ၀ရဘုရားသခင်ထံမှလာ၏။

3 ကိုယ်တော်သည် သင့်ကို ခြေချော်လဲကျစေမည်မဟုတ်။ သင့်ကို စောင့်ရှောက်တော်မူသော ကိုယ်တော်သည် အိပ်စက်တော်မမူချေ။-

4 အစ္စရာအဲလ်လူမျိုးကို စောင့်ရှောက်တော်မူသော ကိုယ်တော်သည် ငိုက်မျဉ်းအိပ်စက်လိမ့်မည်မဟုတ်။

5 ထာ၀ရဘုရားသခင်သည် သင့်ကိုစောင့်ရှောက်တော်မူ၏။ ထာ၀ရဘုရားသခင်သည် သင်၏လက်ယာဘက်တွင် အရိပ်သဖွယ်ဖြစ်တော်မူ၏။-

6 နေသည် နေ့အချိန်၌လည်းကောင်း၊ လသည်လည်း ညအချိန်၌လည်းကောင်း သင့်ကိုဘေးအန္တရာယ်ပြုလိမ့်မည်မဟုတ်။

7 ထာ၀ရဘုရားသခင်သည် သင့်ကို ဘေးအန္တရာယ်အပေါင်းတို့မှ ကာကွယ်စောင့်ရှောက်တော်မူလိမ့်မည်။ ကိုယ်တော်သည် သင်၏အသက်ကိုကာကွယ်စောင့် ရှောက်တော်မူလိမ့်မည်။-

8 ထာ၀ရဘုရားသခင်သည် သင်၏သွားလာလှုပ်ရှားမှုတို့ကို ယခုအချိန်မှစ၍ အစဉ်ထာ၀ရ ကာကွယ်စောင့်ရှောက် တော်မူလိမ့်မည်။