Salmos 113

1 ထာ၀ရဘုရားသခင်အား ချီးမွမ်းထောမနာပြုကြလော့။ ထာ၀ရဘုရားသခင်၏ အစေခံတို့၊ ချီးမွမ်းထောမနာပြုကြလော့။ ထာ၀ရဘုရားသခင်၏နာမတော်ကို ချီးမွမ်းထောမနာပြုကြလော့။-

2 ထာ၀ရဘုရားသခင်၏ နာမတော်သည် ယခုမှစ၍ ကာလအစဉ်အဆက် မင်္ဂလာရှိပါစေသော်။-

3 နေထွက်ရာအရပ်မှ နေဝင်ရာအရပ်သို့တိုင်အောင် ထာ၀ရဘုရားသခင်၏ နာမတော်အား ရိုသေချီးမွမ်းကြပါစေသော်။-

4 ထာ၀ရဘုရားသခင်သည် လူမျိုးအပေါင်းတို့ထက် မြင့်မြတ်တော်မူ၏။ ကိုယ်တော်၏ ဘုန်းဂုဏ်တော်သည် မိုးကောင်းကင်အထက်၌ ရှိတော်မူ၏။

5 ငါတို့၏အရှင် ထာ၀ရဘုရားသခင်နှင့် မည်သူတူနိုင်ပါမည်နည်း။ ကိုယ်တော်သည် အမြင့်ဆုံးအရပ်၌ စံနေတော်မူ၏။-

6 မည်သူသည် ကောင်းကင်နှင့် မြေကြီးကိုငုံ့၍ ကြည့်ပါသနည်း။-

7 ကိုယ်တော်သည် ဆင်းရဲသားတို့ကို မြေမှုန့်ထဲမှပင့်မြှောက်၍ နွမ်းပါးသူတို့ကို ပြာပုံထဲမှ ဆွဲထုတ်တော်မူ၏။-

8 ကိုယ်တော်သည် သူတို့ကို မင်းညီမင်းသားများနှင့် မိမိ၏လူမျိုးကိုအုပ်စိုးသော မင်းတို့နှင့်အတူ ထိုင်ရသောအခွင့်ကို ပေးတော်မူ၏။-

9 ကိုယ်တော်သည် မြုံသောမိန်းမအား အိမ်ကိုပေးသနား၍ သားသမီးတို့နှင့်အတူ ပျော်ရွှင်သောမိခင်တစ်ဦး ဖြစ်စေတော်မူ၏။ ထာ၀ရဘုရားသခင်အား ချီးမွမ်းထောမနာပြုကြလော့။