1 Mɔmaan na jiin Ninefe poe, ki tee yirintu nba ki Nahum wunba nyii Elkos doo ni na la.
2 Ti Yomdaanɔ Yennu tee funfunn daanɔe,
3 Yennu ki dont wutoor yian yiami, ŋaan u mɔk yiikoo,
4 U yeen mɔkgbeŋir ki li fɔɔt, ki te mɔka fɔɔt,
5 Ki jɔfɔkit jekir Yennu tɔɔnn,
6 U wutoor-i doo yoo nba, ŋmee saa tinni?
7 Yennu ŋan, u guu u niib daamii-i baar yoo nba,
8 U tuu biir u dataie yiama
9 A lorin bee a lin biir Yennu?
10 Yimm dayibira na, n saa boonti
11 Ninefe, a nie ki jasɔɔ nyii ki gbee nan dudukbiit, ŋɔɔe lorin a lin biir Yennu.
12 Linba ki Yennu yeen u niib Israel teebe na, “Asiria teeb nba lek mɔk panii, ki bia yab biaŋinba na, ŋaan n saa biirib ki bin kpo. N niib, mine te ki i dii fara, ŋaan n kan te ki lin ji baarini.
13 N saa gɔɔr Asiria yiikoo nba dia-i na, ki bia cheer jarit nba baani na.”
14 Linba nae ki Yennu senn ki jiin Asiria teeb po: “Bi kii mɔk yaaboona nba ki bi sana sii gaa bi paaki. N saa biir pata nba be bi yenbis jiant diit ni na. N ŋamii kaate ki guunt Asiria teeb. Bi ki ŋan nan bii be bi manfoa ni.”
15 Gotirii, toomiie nyii kunkona paak ki baat nan labamann na. U paa sɔnue, a wun mɔɔnt nyannu na po. Juda teeb, ii di jaamm kii kpamm man, ki tur Yennu linba ki i senn nan i saa turɔ na. Ki nibiit na ji kan ban lek i tiŋi. N biirib ki gbenna.