1 Gode! Di da abuliba:le amaiwane nini higale fisiagabela:?
2 Dia fi dunu amo bu dawa:ma!
3 Saione Moilai Bai Bagade mugului amoba:le ososa: masa.
4 Dima ha lai dunu ilia hasalasisa gugulubi da Debolo diasu ganodini nabi dagoi.
5 Ilia da ifa damusu dunuga ifa goaheiga damuni salabe,
6 Ilia da ifa gaga:i huluane amo ilia goahei amola ha:ma bagade
7 Ilia da Dia Debolo wadela:lesili, laluga ulagisi.
8 Ilia da nini huluanedafa gugunufinisimusa: hanai galu.
9 Ninia sema dawa:digima:ne olelesu liligi huluane da asi dagoi, hame ba:sa.
10 Gode! Habowali seda ninima ha lai dunu ilia da Diba:le oufesega:noma:bela:?
11 Abuliba:le Dia da nini fidimu higabela:?
12 Gode! Di da osobo bagade hamoia amogainini, ninima Hina Bagade esalu.
13 Di da Dia gasa bagade amoga hano wayabo bagade amo dogoa hedofalesi.
14 Di da ohe bagade (Lefaiada:ne) ea dialuma sasalugufai amo goudanesili,
15 Di da hano bubuga:su amola gu hano masa:ne doasi.
16 Di da gasi amola hayo hahamoi.
17 Di da osobo bagade ea alalo hamoi.
18 Be Hina Gode! Dima ha lai dunu ilia Dima ousa.
19 Dia fi gasa hamedei dunu, ilia dodona:gi ha lai dunu ilima hasalasisa:besa:le,
20 Dia ninima sema gousa:su hamoi amo bu dawa:loma!
21 Dia banenesi fi dunu mae gogosiama:ma!
22 Gode! Di wa:legadoma!
23 Dima ha lai dunu ilia da Dima ougiba:le, mae fisili halalalebe,