1 Gode! Hina bagade da Dia moloidafa hou defele fofada:su hou hamoma:ne,
2 Amasea, e da moloiwane Dia fi dunu ouligimu.
3 Isala:ili soge da bagade gaguiwane dialumu.
4 Hina bagade da hame gagui dunuma molole fofada:mu.
5 Eso da digagala:sea, amola oubi da digagala:sea, eso huluane manebe amoga,
6 Hina bagade da gibu amo da bugili nasu sogega dabe defele ba:mu.
7 E da osobo bagadega esalea, moloidafa hou salusaluiwane heda:lebe ba:mu.
8 Isala:ili hina bagade ea ouligibi soge da hano wayabo bagade
9 Hafoga:i soge ganodini fi dunu da ea midadi begudumu.
10 Siba:ini hina bagade dunu ilia amola ogaga esalebe hina bagade,
11 Osobo bagade hina bagade dunu huluane, ilia da ea midadi begudumu.
12 E da hame gagui dunu amo da ema webe, amo gaga:sa.
13 E da gasa hame amola hame gagui dunu ilima asigisa.
14 Ilia da enoga banenesisa:besa:le amola enoga fasa:besa:le, e da ili gaga:sa.
15 Hina bagade da gebewane sedagili esalumu da defea.
16 Isala:ili soge ganodini, gagoma defeledafa dialumu da defea.
17 Hina bagade ea dio amo hamedafa gogolei ba:mu da defea.
18 Hina Gode, Isala:ili fi ilia Gode, Ema nodoma!
19 Ea Hadigidafa Dio amoma eso huluane nodonanoma!
20 Da:ibidi (Yesi egefe) ea sia:ne gadosu da goegai dagoi.