1 Hina Gode! Na da Dia gaga:ma:ne Dima misi.
2 Bai Di da moloidafaba:le, na fidili gaga:ma.
3 Dia na ougihalisima! Na gaga:musa:, na gagili salima!
4 Na Gode!
5 Hina Gode! Na da Dima dafawane hamoma:beyale dawa:sa!
6 Na da na esalusu huluane Dima fa:no bobogesu.
7 Na da Dia hou gasawane lalegaguiba:le, dunu bagohame da Dia hou lalegagui.
8 Hahabe asili daeya, na da Dima nodone sia:sa
9 Na da da:i hamoiba:le, na mae higale yolesima!
10 Nama ha lai dunu da na fane legemusa: hanai gala.
11 Ilia da amane sia:sa, “Gode da amo dunu fisiagai dagoi.
12 Gode! Nama badiliadafa mae esaloma!
13 Dunu amo ilia da nama doagala:sa, amo hasalasili, gugunufinisima:ma!
14 Na da eso huluane Dima dafawane hamoma:beyale dawa:lumu.
15 Na da Dia noga:idafa hou amo eno dunuma sisia:i lamu.
16 Ouligisudafa Hina Gode!
17 Dia da na goihadini esoganini nama Dia hou olelesu.
18 Wali na da da:i hamone, na dialuma da gago aligi gala.
19 Gode! Dia moloidafa hou heda:le muagado doaga:sa.
20 Di da nama bidi hamosu amola se nabasu amo huluane nama iasi dagoi.
21 Di da na bu baligili bagadedafa hahamonesimu,
22 Na da dafawane Dima sani baidama dusa nodone sia:mu.
23 Na sani baidama dusia, na da hahawane wele sia:mu.
24 Hahabe asili daeya huluane, na da Dia moloidafa hou sisia:i lamu.