1 Hina Gode! Hina bagade da hahawane gala.
2 Dia, ea dogoga hanai liligi amo ema i dagoi,
3 Dia ema nodosu liligi bagade gaguli misi,
4 E da esalusu Dima adole ba:i.
5 Dia da e noga:le fidibiba:le, ea hadigi da bagade
6 Dia ema hahawane dogolegele hou da eso huluane dialumu.
7 Hina bagade da Hina Gode Bagadedafa Ea hou dafawaneyale dawa:le,
8 Hina bagade da ea ha lai dunu huluane gagumu,
9 Hina Gode masea da, ili huluane lalu helowa:i bagade agoane amoga nene,
10 Iligaga fi afae da hamedafa esalebe ba:mu, amola hina bagade,
11 Ilia asigi dawa:su ganodini ilegele, Godema hasalasimusa: dawa:lala,
12 E da, Ea dadiga gala:le, ili sesele, amalu ilia sinidigili hobeale masunu.
13 Hina Gode! Dia gasa bagade ba:beba:le, ninia Dima bagade nodosa.