1 Yoube da bu adole i,
2 “Ma! Na da amo sia: huluane musa: nabi dagoi.
3 Osobo bagade dunu da Godema fofada:mu hamedei galebe.
4 Gode da asigi dawa:su bagadedafa gala amola gasa bagade gala.
5 E da mae sisane, goumi gaguli asili eno sogebiga ligisisa.
6 Gode da bebeda:nima iasili, osobo bagade da yagugusa.
7 E da eso ea mabe hedofamusa: dawa:.
8 Gode Hisu da mu hahamoi.
9 Gode da gasumuni huluane muagado bugisisi.
10 Ea gasa bagade hamobe, ninia da dawa:digimu hame dawa:.
11 Gode da bobaligila ahoa, be na da E hame ba:sa.
12 E da hi hanaiga liligi laha.
13 Gode Ea ougi hou da eso huluane dialumu.
14 Amaiba:le, na da habodane Godema bu fofada:ma:bela:?
15 Na da wadela:i hou hamedafa hamoi.
16 Be E da na Ema sia:mu logo doasisia, E da na sia: nabima:bela:?
17 E da udigili na se nabima:ne, isu gibula bobodobe, na fama:ne, iasisa.
18 Ea hamobeba:le, na da mifo lamu gogolei.
19 Na da Ema sesele hamoma:bela:?
20 Na da wadela:i hou hamedafa hamoi, amola dafawaneyale dawa:su hou hame fisi.
21 -
22 Na da wadela:i hou hame hamoi.
23 Moloidafa dunu da hedolo bogosea, Gode da nodosa.
24 Gode da osobo bagade amo wadela:i hou hamosu dunu ilima i dagoi.
25 Na esalebe eso da hehenasa. Amo eso huluane da wadela:i gala.
26 Na esalusu da dusagai ea hehenasu agoai gala.
27 -
28 Na da se nabasu gogolema:ne, onigisia, na da bu se naba.
29 Amaiba:le, Gode da nama fofada:nanu, na da wadela:i dunu sia:beba:le,
30 Safoga da na wadela:i hou dodofemu hamedei galebe.
31 Gode da na amola ledo bagade gilisili uli dogoiga ha:digi dagoi.
32 Gode da osobo bagade dunu ganiaba, na da Ema adole ia:noba.
33 Be ania dogoa aligili, gaga:su dunu da hame gala.
34 Gode! Nama se iabe yolesima!
35 Na da Dima hame beda:i! Na da sia:mu!