1 Na da esalumu hihi gala.
2 Gode! Na bogoma:ne, mae fofada:ma!
3 Di da nama mae asigiliwane se ianumu da defeala:? Di da na hamoi dagoi.
4 Di da nini osobo bagade dunu ninia hou defele, liligi ba:sala:?
5 Dia esalebe ode da ninia esalebe ode defele dunumunihadi ganabela:? Hame mabu!
6 Amaiba:le, Dia da abuliba:le na wadela:i hou huluane hogosala:?
7 Di dawa:! Na da wadela:le hame hamoi.
8 Di da Dia loboga na da:i hamoi dagoi.
9 Di da na osoboga hamoi dagoi, amo mae gogolema!
10 Di da na ada na hamoma:ne, ema gasa i.
11 Di da na da:i hodo amola gasa amola momoge hamoi.
12 Di da nama esalusu amola asigi hou i dagoi.
13 Be na da wali dawa:.
14 Di da na wadela:le hamosa:besa:le, eso huluane na hou ha:giwane sosodosu.
15 Na da fonobahadi fawane wadela:le hamosea, na da Dia se dabe iasu ba:sa.
16 Na da noga:le didili hamosea,
17 Di da eso huluane na dafama:ne, ba:su dunu ilegesa.
18 Gode! Dia da abuliba:le na lalelegema:ne hamobela:?
19 Na da hamedafa lalelegemu da defea galu.
20 Na esalusu da gadenene agoane dagobela:?
21 Na da gadenenewane ahoabe goea.
22 Amo soge da gasi bagade.