1 Ne ho꞉le bo꞉fo꞉likiyo꞉, ma꞉mul kalu halaido꞉lo꞉ di nowo꞉ Hebene a꞉la꞉ta꞉ga꞉ tindabi ba꞉ba꞉. Eyo꞉ iwa ho꞉lo꞉ a꞉no꞉ helebeso꞉g ka꞉lan au ko꞉lo꞉. A꞉la꞉ta꞉ga꞉ sowa꞉silo꞉wo꞉ e misa꞉ wa꞉ldo꞉ a꞉na hegefa꞉. Misido꞉ elo꞉wo꞉ of ko꞉lo꞉ so꞉so꞉ido꞉ o꞉ngo꞉ dowo꞉ a꞉la꞉ta꞉ga꞉, gido꞉fo꞉ a꞉la꞉ elo꞉wo꞉ de wa꞉sowa alano꞉ o꞉ngo꞉ ko꞉lo꞉ ba꞉ba꞉.
4 Gun dom a꞉la꞉fo꞉ a꞉no꞉ guiya꞉sa꞉ga꞉ edakiyo꞉, guna꞉lo꞉ to sio꞉ a꞉no꞉ niyo꞉ sa꞉sa꞉lima꞉no꞉ dowa꞉sen amio꞉, to nowo꞉ Hebene a꞉la꞉ta꞉ga꞉ nemo꞉ sa꞉lakiyo꞉, “Gun dom a꞉la꞉fo꞉wa꞉lo꞉ sa꞉lab ko, giyo꞉ wo꞉no꞉le asulo꞉wa dia꞉takiyo꞉, sa꞉sa꞉la꞉so꞉bo.”
7 Godeya꞉lo꞉ dimidama꞉no꞉ wo꞉no꞉lelo꞉ asulufo꞉lab a꞉no꞉, eyo꞉ hendele dimidama꞉no꞉ka꞉ a꞉la꞉likiyo꞉, ene nanog dia꞉likilo꞉ dinali sa꞉lan kalu imo꞉wo꞉ tamina saefa꞉ ko꞉lo꞉, o꞉go꞉ ma꞉mul kalu dom a꞉ma꞉yo꞉ olo bulu amio꞉ semo꞉folo꞉ o꞉a꞉laba, kelego꞉ a꞉no꞉ tambo fa꞉la꞉doma꞉nigab.” Ma꞉mul kalu eyo꞉ a꞉la꞉saefa꞉.
8 A꞉la꞉tabiki towo꞉ Hebene a꞉la꞉ta꞉ga꞉lo꞉ tamin amilo꞉ nelo꞉ dabu a꞉no꞉ wa꞉ka a꞉sa꞉lakiyo꞉ a꞉la꞉sio꞉. “Ge ha꞉na꞉sa꞉ga꞉yo꞉, ma꞉mul kaluwa꞉lo꞉ gib nowo꞉ so꞉lu ho꞉na, nowo꞉ henfelo꞉wa a꞉la꞉ta꞉ga꞉lo꞉ kagafo꞉lab a꞉ma꞉ dagi amilo꞉ mo꞉fo꞉s kambolo꞉ fagefa꞉ da꞉lab a꞉no꞉ dia꞉ni hamana.”
9 A꞉la꞉sa꞉labiki ne ma꞉mul kalulo꞉wa ha꞉na꞉ga꞉, mo꞉fo꞉s kambolo꞉ ha꞉lu fagefa꞉ ta꞉lisab a꞉no꞉ nemo꞉ dimina꞉ki dabu ba꞉ba꞉ ko꞉lo꞉, eyo꞉ nemo꞉wo꞉ a꞉ma꞉la꞉bo꞉ a꞉la꞉sio꞉, “Mo꞉fo꞉s kambolo꞉ we giyo꞉ dia꞉sa꞉ga꞉ maiya. Giyo꞉ nalikiyo꞉, mego꞉f amio꞉ kola꞉ ho꞉na꞉lo꞉ nudan auma꞉ib, ko꞉sega kuf amio꞉ imoloma꞉ib”
10 A꞉la꞉sa꞉labiki, mo꞉fo꞉s sa꞉sa꞉lo꞉ kambolo꞉ ha꞉luwo꞉, ma꞉mul kaluwa꞉ dagi wa꞉l amilo꞉ fagea꞉fo꞉len a꞉no꞉ niyo꞉ dia꞉ga꞉ mo꞉no꞉. Ni mego꞉f amio꞉ kola꞉ ho꞉na꞉lo꞉ nudan o꞉ngo꞉ dowo꞉ ko꞉sega, kufa꞉ usamio꞉ imolo꞉wo꞉ alan dowo꞉.
11 A꞉la꞉fo꞉ko꞉lo꞉ to nowo꞉ nemo꞉wo꞉ a꞉la꞉sio꞉, “Kelego꞉ tif amilo꞉ fa꞉la꞉doma꞉nigab a꞉no꞉ giyo꞉ wa꞉ka wida꞉li ha꞉nakiyo꞉, kaluka꞉isale henfelo꞉ amilo꞉ ko꞉li ko꞉lilo꞉ sab a꞉no꞉lia꞉, so꞉lo꞉ ko꞉li ko꞉lilo꞉ sab a꞉no꞉lo꞉, to ko꞉li ko꞉lilo꞉lo꞉ sa꞉lan a꞉no꞉lo꞉, misa꞉ kalu i a꞉no꞉lia꞉ tambo ilo꞉ amilo꞉ fa꞉la꞉doma꞉nigab a꞉no꞉ wida꞉li hamana” a꞉la꞉sio꞉.