1 Womu ɡe bɑ kuɑ tɔ̃ɔ wɛ̃rɑruɡirun sɔ̃. Ge wee.
2 Yɑ rɑ n do bɑ n nun tɔmɑmɔ Yinni Gusunɔ,
3 bɑ n wunɛn durom ɡɑri kpɑrɑmɔ bururu,
4 kɑ mɔrɔku kɑ ɡɔ̃ɔɡeru.
5 Yinni Gusunɔ, ye ɑ kuɑ yɑ mɑn nuku dobu wɛ̃.
6 Yinni Gusunɔ, wunɛn sɔmɑ ye ɑ kuɑ yɑ kpɑ̃.
7 Gɑri bɔkɔ ɡɑ ǹ kpɛ̃ ɡu nu tubu,
8 Geemɑ, tɔn kɔ̃sobu bɑ seemɔ nɡe yɑkɑsu,
9 Adɑmɑ wunɛ Yinni Gusunɔ, wunɑ ɑ kpuro kere sere kɑ bɑɑdommɑɔ.
10 Wunɛn yibɛrɛbɑ kpuro bɑ koo kɑm ko.
11 A mɑn ɡbeeku kɛtɛn dɑm kɑ̃,
12 Tɛ̃, nɑ wɑɑmɔ nɛn yibɛrɛbɑ bɑ wɔrukumɔ.
13 Gemɡibu bɑ koo kpɛ̃ɑ nɡe kpɑkpɑ bɑ̃ɑ.
14 Bɑ ko n sɑ̃ɑwɑ nɡe dɑ̃ɑ te bɑ ɡirɑ tɑ kpɑrɑmɔ
15 Bɑɑ tɑ̀ n tɔkɔ kuɑ, tɑ ko n binu mɑrumɔwɑ,
16 Yeyɑ yɑ koo sɔ̃ɔsi mɑ Yinni Gusunɔ u sɑ̃ɑwɑ ɡemɡii.