1 Asɑfun womu ɡe u Yedutum kuɑ. Ge wee.
2 Nɑ Gusunɔ nɔɔɡiru sue.
3 Nɑ̀ n nuki sɑnkire, nɑ rɑ Gusunɔ kɑsuwɑ.
4 Nɑ̀ n Gusunɔ yɑɑyɑ, nɑ rɑ n weeweenu mɔ̀wɑ.
5 Yinni Gusunɔ u ku rɑ de n dweeyɑ.
6 Nɑ rɑ yellu yɑɑyewɑ kpɑ nɑ n ɡɑsɔn ɡɑri bwisikumɔ.
7 Nɑ nɛn womusu yɑɑyɑmɔ wɔ̃kuru,
8 Yinni Gusunɔ u koo sun yinɑwɑ sere kɑ bɑɑdommɑɔ?
9 Win durom mu kpɑwɑ mi sere kɑ bɑɑdommɑɔ?
10 U duɑriwɑ u sun durom kuɑ?
11 Mɑ nɑ nɛn tii sɔ̃ɔwɑ nɑ nɛɛ, wee ye yɑ mɑn dumɔ,
12 Yinni Gusunɔ, kon wunɛn sɔmɑ yɑɑyɑ.
13 Kon wunɛn sɔmɑ kpuron ɡɑri kpɑrɑ.
14 Gusunɔ, wunɛn swɛɛ yi dɛɛrewɑ.
15 A sɑ̃ɑwɑ wi u rɑ sɔm mɑɑmɑɑkiɡinu ko.
16 Kɑ wunɛn dɑmɑ ɑ wunɛn tɔmbu yɑkiɑ
17 Gusunɔ, ye nim mu nun wɑ, mɑ mu diirɑ,
18 Mɑ ɡurɑ nɛmɔ nɡe dɑɑ surundu.
19 Gurɑ yɑ ɡbɑ̃rɑ mɑ ɡuru mɑɑkinu nu hɑnduniɑ kpuro yɑm bururɑsiɑ,
20 A sĩɑ nim wɔ̃kun wɔllɔ kɑ mɑɑ mɛn sɔɔwɔ.
21 A derɑ Mɔwisi kɑ Aroni bɑ wunɛn tɔmbu kpɑrɑ nɡe yɑ̃ɑ ɡɔ̃ɔ.