1 Kĩrun womu ɡe Koren bibu bɑ wom kowobun wiruɡii kuɑ. Ge wee.
2 Nɛn ɡɔ̃ru ɡɑ bwisiku duronu yibɑ sere nu yɑrimɔ.
3 Wunɑ ɑ burɑm bo tɔn bibun suunu sɔɔ.
4 Tɑbu kowo dɑmɡii, ɑ wunɛn tɑkobi bɛkio,
5 Kɑ wunɛn sinɑndun dɑm,
6 Wunɛn sɛ̃ɛnu nu nɔɔ do,
7 Gusunɔ, bɑ wunɛn bɑndu swĩi sere kɑ bɑɑdommɑɔ.
8 A ɡeɑ kĩ, mɑ ɑ kɔ̃sɑ tusɑ.
9 Wunɛn yɑ̃nu nu turɑre numɔ
10 Sinɑ bii wɔndiɑbɑ bɑ sɑ̃ɑ wunɛn kurɔ kpɑɑ sɑ̃kobu.
11 A swɑɑ dɑkio, bii kurɔbu ɑ nɛn ɡɑri nɔ,
12 Wunɛn burɑm mu kɑ sinɑ boko nɑɑwɑ ɡem ɡem.
13 Tirin tɔmbu be bɑ bwesenu kpuro ɑrumɑni kere,
14 Sinɑ bii wɔndiɑ kurɔ kpɑo wi, u wɑ̃ɑ sinɑ kpɑɑrɔ,
15 Bɑ kɑ nùn dɑ sunɔn mi kɑ win yɑ̃ɑ burɑ nɔniɡii ni,
16 Bɑ bu duusiɑ sinɑ kpɑɑrɔ kɑ nuku dobu kɑ yɛ̃ɛribu.
17 Sinɑ boko, wunɛn bibɑ koo wunɛn bɑɑbɑbɑn tubi di,
18 Nɛn womu ɡeni, ɡɑ koo de bu wunɛn yĩsiru yɑɑyɑ tɔ̃ru bɑɑtere,