1 Womu ɡe Koren bibu bɑ wom kowobun wiruɡii kuɑ. Ge wee.
2 Gusunɔ, sɑ nuɑ kɑ bɛsɛn tiin swɑɑ
3 Kɑ wunɛn tiin nɔmɑ ɑ bwese tukunu ɡirɑ.
4 Bɛsɛn bɑɑbɑ be, bɑ bwese nin tem mwɑ.
5 Gusunɔ, wunɑ ɑ sɑ̃ɑ nɛn sinɑ boko.
6 Kɑ wunɛn dɑmɑ sɑ ko bɛsɛn yibɛrɛbɑ suriri.
7 Domi nɑ yɛ̃ mɑ n ǹ nɛn tɛndu,
8 Wunɑ kɑɑ sun wɔrɑ bɛsɛn yibɛrɛbɑn nɔmɑn di.
9 Sɑ ko n woo kɑnɑmɔ tɔ̃ru bɑɑtere wunɛn sɔ̃,
10 Kɑ mɛ, wee ɑ sun yinɑ, ɑ sun sekuru doke,
11 A derɑ sɑ biruku yirɑ wurɔ bɛsɛn yibɛrɛbɑn wuswɑɑɔ,
12 A sun bɛri ben nɔmɑɔ nɡe mɛ bɑ rɑ ɑrɑri yɑ̃ɑru nɔmu bɛrie.
13 A bɛsɛ, wunɛn tɔmbu dɔrɑmɔ ɡobi sɑri,
14 Wee ɑ sun sekuru doke bɛsɛn berusebun wuswɑɑɔ,
15 be, be bɑ sun sikerenɛ, bɑ sun yɛ̃ɛmɔ, bɑ sun yɑɑkoru mɔ̀.
16 Wee sere kɑ tɛ̃, seku te, tɑ rɑ n mɑn mɔ̀wɑ,
17 yèn sɔ̃ nɛn yibɛrɛ u mɑn wɔri, u wɔmmɔ
18 Yenibɑ kpurowɑ yɑ rɑ sun deemɛ.
19 Bɛsɛn ɡɔ̃ru ɡɑ ǹ sĩire wunɛn min di,
20 Adɑmɑ kɑ mɛ, ɑ sun kɔsukɑ ɡbɑburɔ dɛmɑkunun wɑ̃ɑ yerɔ.
21 Gusunɔ, sɑ̀ n dɑɑ wunɛn yĩsiru duɑri,
22 ɑ ǹ kɑɑ tubu, wunɛ wi ɑ tɔnun ɡɔ̃run ɡɑri yɛ̃?
23 Adɑmɑ wunɛn sɔ̃nɑ bɑ sun ɡoomɔ bururu kɑ yokɑ,
24 A dom yɑndo Yinni! Mbɑn sɔ̃nɑ ɑ do.
25 Mbɑn sɔ̃nɑ ɑ wunɛn wuswɑɑ berumɔ.
26 Domi sɑ nuki sɑnkire. Sɑ kpĩ tuɑ sɔɔ.
27 A seewo ɑ sun somi.