1 Dɑfidin womu ɡe u kuɑ Gusunɔ u kɑ nùn yɑɑyɑ.
2 Yinni Gusunɔ, ɑ ku mɑn sɛɛyɑsiɑ wunɛn mɔru sɔɔ.
3 Domi wunɛn sɛ̃ɛnu nu mɑn ɡirɑri,
4 Wunɛn mɔrun sɑɑbu, nɛn wɑsin ɡɑm sɑri mi n bwɑ̃ɑ do.
5 Domi nɛn torɑnu kpɛ̃ɑ sere nu mɑn ɡunum kerɑ.
6 Nɛn booboosu kɔ̃sɑ sere su numiɑ nɛn ɡɑri bɑkɑrun sɔ̃.
7 Nɑ dɛbɑrɑ, nɑ wɑsirɑ sere nɑ ǹ mɑɑ dɑm mɔ.
8 Domi bɑrɑrɑ nɛn wɑsi kpuro mwɑ.
9 Nɑ kɔsikirɑwɑ muku muku, nɑ ǹ mɑɑ dɑm ɡɑm mɔ.
10 Yinni, ye nɑ kĩ kpuro, wunɑ ɑ yɛ̃.
11 Nɛn ɡɔ̃ru ɡɑ ǹ sɔ̃ sɛ̃ɛ, nɛn dɑm mɑn doonɑrimɔ.
12 Nɛn kpɑɑsibu kɑ be bɑ mɑn yɛ̃ kpuro
13 Be bɑ kɑsu bu mɑn ɡo,
14 Adɑmɑ nɛ, nɑ mɑɑriwɑ piti nɡe soso
15 Mɛyɑ nɑ sɑ̃ɑ nɡe soso.
16 Yinni Gusunɔ, wunɛ sɔɔrɑ nɛn yĩiyɔbu wɑ̃ɑ.
17 A ku de bu nuku dobu ko nɛn sɔ̃,
18 Wee nɑ wɔrumɑɑ dɔɔ,
19 Nɑ nɛn torɑnu tuubɑ mɔ̀.
20 Wee nɛn yibɛrɛbɑ bɑ bwɑ̃ɑ do,
21 Kɔ̃sɑ bɑ mɑn kɔsiemɔ, ye nɑ bu ɡeɑ kuɑ.
22 Yinni Gusunɔ, ɑ ku mɑn deri.
23 A nɑ fuuku ɑ mɑn yɑkiɑ,