1 Yoobu u Elifɑsi wisɑ u nɛɛ,
2 nɑ ɡɑri yin bweseru nɔɔre nɔn dɑbinu.
3 Dommɑ kɑɑ wunɛn ɡɑri sɑɑri kɑmɡii nini kpe.
4 Ì n dɑɑ wɑ̃ɑ nɛn ɑyerɔ,
5 Nɛn ɡɑri yi koo bɛɛ dɑm kɛ̃,
6 Nɑ̀ n ɡɑri mɔ̀, nɛn wɑhɑlɑ yɑ ǹ kpeemɔ.
7 Wee tɛ̃, Gusunɔ u derɑ nɑ dɑm dwiiyɑ.
8 Nɑ woorɑ, nɛn ɡɔnɑ ɡɑwɑre.
9 Gusunɔ u kuɑ nɛn yibɛrɛ,
10 U derɑ tɔmbɑ mɑn yɑɑ kɑsikimɔ kɑ ben ɡɑri sɑɑrinu.
11 Gusunɔ u mɑn be bɑ ǹ win bɛɛrɛ yɛ̃ nɔmu sɔndiɑ.
12 Nɑ rɑɑ wɑ̃ɑ bɔri yɛndu sɔɔ mɑ u mɑn burisinɑ.
13 Win sɛ̃ɛnu mɑn kooro bure.
14 U mɑn wɔrimɑ nɡe tɑbu durɔ.
15 Nɑ sɑɑki deewɑ,
16 Nɑ wuri kuɑ sere nɛn nɔni swɛ̃rɑ,
17 N ǹ mɔ nɑ kɔ̃sɑ ɡɑɑ kuɑ.
18 Wunɛ tem, ɑ ku nɛn yɛm bere.
19 Domi nɑ yɛ̃ kɑm kɑm mɑ nɑ seedɑɡii mɔ wɔllɔ.
20 Nɛn kpɑɑsibu bɑ mɑn yɑɑkoru mɔ̀.
21 Nɛn seedɑɡii wi, u sun sirio nɛ kɑ Gusunɔ
22 Domi nɛn wɑ̃ɑrun tɔ̃nu nu kpeemɑ.