1 Elifɑsi Temɑɡii u Yoobu wisɑ u nɛɛ,
2 wi u bwisi mɔ u koo tɔnu wisi kɑ ɡɑri yi yi ǹ ɑrufɑɑni mɔ?
3 Wee ɡɑri yi ɑ ɡeruɑ ɑ kɑ tii yinɑ mi, yi ǹ sɑ̃ɑ ɡɑ̃ɑnu.
4 Wunɛ, ɑ mɑm Gusunɔn nɑsiɑru tɛɛsimɔwɑ,
5 Wunɛn kom kɔ̃sumɑ mu sɔ̃ɔsirɑmɔ wunɛn nɔɔn di.
6 Wunɛn nɔɔn ɡɑriyɑ yi nun tɑɑrɛ wɛ̃ɛmɔ, n ǹ mɔ nɛ.
7 Wunɑ bɑ ɡbiɑ bɑ tɑkɑ kuɑ hɑnduniɑ sɔɔ?
8 A Gusunɔn ɡɑri ɑsiriɡii swɑɑ dɑki?
9 Mbɑ ɑ yɛ̃ ye bɛsɛn tii sɑ ǹ yɛ̃.
10 Bɛsɛn suunu sɔɔ, tɔmbɑ wɑ̃ɑ
11 A bɛsɛn ɡɑri yi sɑ nun sɔ̃ɔwɑ kɑ lɑɑkɑri mɛɛrɑwɑ ɡɑ̃ɑ piiminu,
12 Mɑnɑ wunɛn bwisikunu kɑ nun dɔɔ.
13 Gɑri yi ɑ sɑɑrimɔ mini, Gusunɔwɑ ɑ kɑ mɔru mɔ̀.
14 Tɔnu u koo kpĩ u n dɛɛre?
15 Gusunɔ ù kun win ɡɔrɑdobɑ nɑɑnɛ kue,
16 wunɛ tɔnu ɑmɔnɑ kɑɑ kɑ kpĩ ɑ n dɛɛre win wuswɑɑɔ,
17 Tɛ̃, Yoobu, ɑ mɑn swɑɑ dɑkio kpɑ n nun ɡɑri sɔ̃.
18 Sɔ̃ɔsi te bwisiɡibu bɑ sɔ̃ɔsi,
19 Be tɔnɑwɑ Gusunɔ u rɑɑ tem mɛ wɛ̃,
20 Adɑmɑ tɔn kɔ̃so u ko n wɑ̃ɑwɑ nɔni swɑ̃ɑru sɔɔ
21 Kpɑ u n ɡbɑ̃sukunu nɔɔmɔ ni nu koo nùn bɛrum mwɑ.
22 Tɔn kɔ̃so wi, u ku rɑ n yĩiyɔ u yɑm wɔ̃kuru dukɑ suuri.
23 U rɑ n sirenɛwɑ bɑɑmɑ, u n kɑsu ye u koo di.
24 Mɑ u nɑnde wɑhɑlɑ kɑ nɔni swɑ̃ɑrun sɔ̃,
25 Domi u Gusunɔ seesi.
26 U kɑ̃kɑ u Gusunɔ tɑbu wɔri,
27 Win wuswɑɑ bɑllimɔ.
28 U wɑ̃ɑ wuu si bɑ kɔsukɑ sɔɔ,
29 U ǹ ɡobi mɔ. Win dukiɑ kun mɑɑ kuurɑmɔ.
30 U ǹ kpɛ̃ u ɡɔɔn tɔ̃ru dukɑ suuri.
31 Ù n kɔ̃sɑ nɑɑnɛ sɑ̃ɑ u tii nɔni wɔ̃kuɑwɑ mi.
32 Are yi, yi koo nɑwɑ u sere ɡbi.
33 U ko n sɑ̃ɑwɑ nɡe resɛm yèn bii birenu bɑ wɔkɑ,
34 Tɔn kɔ̃so u ǹ bweseru wɑsi.
35 Wi u kɔ̃sɑ bwisikɑ, kɔ̃sɑ u koo ko.