1 Wee Yinni Gusunɔ u koo tem kpuro kpeerɑsiɑ
2 yɑ̃ku kowobu kɑ tɔn dirobu,
3 Bɑ koo tem kpuro wɔri,
4 Tem mu koo ɡberɑ.
5 Domi mɛn tɔmbu bɑ mu disi doke,
6 Yen sɔ̃nɑ bɔ̃ri yi koo tem mɛ di,
7 Ben resɛm ɡbɑɑnu nu koo ɡberɑ,
8 Bɑ ǹ mɑɑ bɑrɑnu kɑ mɔrɔkunu soomɔ,
9 Bɑ ǹ mɑɑ tɑm nɔrumɔ bɑ n kɑ womusu koosimɔ.
10 Wuu ɡe, ɡɑ koo ko bɑnsu.
11 Bɑ ko n weeweenu mɔ̀ swɛɛ sɔɔ,
12 Wuu ɡe, ɡɑ ko n sɑ̃ɑwɑ bɑnsu,
13 kpɑ tɔmbu bɑ n kɔ̃ɔkire tiɑ tiɑ tem mɛ sɔɔ,
14 Be Yinni Gusunɔ u koo deri bɑ n wɑsi
15 bɛɛ be i wɑ̃ɑ sɔ̃ɔ yɑri yeru ɡiɑ
16 Sɑ ko nɔ bɑ womusu mɔ̀ bɑɑmɑ
17 Bɛɛ tem mɛn tɔmbu i ko i bɛrum soorɑ
18 wi u dukɑ mɔ̀ bɛrum sɔ̃,
19 Tem mu koo yĩiri kpɑ mu beu ko,
20 Mu ko n bɑ̃ɑrimɔ nɡe tɑm nɔro,
21 Sɑɑ ye sɔɔ, Yinni Gusunɔ u koo kperi sɛɛyɑsiɑ wɔllɔ. U koo sinɑmbu sɛɛyɑsiɑ tem mini,
22 kpɑ bu bu yoru mwɑ bu bu tɑɑsi wɔrusɔ nɡe pirisɔmbɑ. Sɔ̃ɔ dɑbi dɑbirun biru, kpɑ bu bu sɛɛyɑsiɑ.
23 Sɔ̃ɔ kɑ suru bɑ koo sekuru wɑ.