1 Wɔllu, ɑ swɑɑ dɑkio ɑ nɛn ɡɑri nɔ.
2 Nɛn yɛ̃ru tɑ kokumɔ nɡe ɡuru nim
3 Kon Yinni Gusunɔn yĩsiru kpɑrɑ.
4 Yinni Gusunɔ u sɑ̃ɑwɑ nɡe kperu.
5 Adɑmɑ bɛɛ, i sɑ̃ɑwɑ tɔn kɔ̃sobu be bɑ ǹ dee dee swĩi.
6 Gɑri bɑkɑsu bɛɛ,
7 I yellu yɑɑyo.
8 Sɑnɑm mɛ u tɔmbu tem bɔnu kuɑ,
9 Adɑmɑ u tii Isirelibɑ yiiyɑ,
10 Yinni Gusunɔ u bu deemɑ ɡbɑburɔ mi ɡbeeku bɔ̃nu nu ɡberi.
11 U bu kɔ̃su nɡe kɑsɑ
12 Yinni Gusunɔ turowɑ u bu kpɑrɑ.
13 U derɑ bɑ dɑ bɑ sinɑ ɡunɡuru wɔllɔ.
14 Bɑ kɛtɛbɑ kɑ yɑ̃ɑnun bom nɔrumɔ.
15 Ye bɑ debɑ bɑ kpɑ mɑ bɑ Gusunɔ seesi.
16 Bɑ win nisinu seeyɑ bɑ dɑ bɑ bũnu sɑ̃ɑmɔ.
17 mɑ bɑ nu yɑ̃kuru koosimɔ ni,
18 Bɑ Gusunɔ duɑri wi u sɑ̃ɑ nɡe ben kpee bɑɑ mi bɑ rɑ kuke,
19 Sɑnɑm mɛ Gusunɔ u wɑ mɛ,
20 U nɛɛ, u ǹ mɑɑ bu somimɔ kpɑ u wɑ ye yɑ koo bu deemɑ.
21 Bɑ win mɔru kɑ win nisinu seeyɑ
22 Win mɔru koo se nɡe dɔ̃ɔ yɑrɑ
23 U koo bu nɔni swɑ̃ɑru sure.
24 Bɑ koo ɡbi ɡɔ̃ɔru kɑ bɑrɑrun sɔ̃.
25 Tɑbu koo bu ɡo swɛɛ sɔɔ kpɑ be bɑ wɑ̃ɑ yɛnusɔ bu bɛrum soorɑ.
26 U koo bu kɑm koosiɑwɑ mɑm mɑm sere ɡoo kun mɑɑ bu yɑɑyɑmɔ.
27 Adɑmɑ u ǹ wurɑmɔ yibɛrɛbɑ bu nùn yɛ̃ɛ
28 Isirelibɑ bɑ sɑ̃ɑwɑ bwese te tɑ ǹ bwisi mɔ,
29 Bɑ̀ n dɑɑ bwisi mɔn nɑ,
30 Kpɑ bu tii bikiɑ bu nɛɛ,
31 Adɑmɑ yibɛrɛ ben tii bɑ yɛ̃
32 Ben yibɛrɛ be, bɑ sɑnkirewɑ nɡe Sodomu kɑ Gomɔrɑɡibu.
33 Bɑ sosuwɑ nɡe wɑɑn dɛ̃ɛ.
34 Yinni Gusunɔ u yɛ̃ ye yibɛrɛ be, bɑ kuɑ.
35 Wiyɑ u koo bu mɔru kɔsie u bu sɛɛyɑsiɑ.
36 Yinni Gusunɔ ù n deemɑ
37 Sɑɑ ye sɔɔ, u koo bikiɑ u nɛɛ,
38 ni i rɑ yɑɑ ɡumɡiɑ ɡoowe,
39 Yinni Gusunɔ u nɛɛ, nɛnɑ nɑ wɑ̃ɑ.
40 Sere kɑ nɛn wɑ̃ɑru, nɑ nɔmu suɑ wɔllɔ nɑ bɔ̃ruɑ nɑ nɛɛ,
41 kon nɛn tɑkobi nɔɔ dɛ̃ɛri,
42 Nɛn sɛ̃ɛnu koo yɛm debu
43 Bɛɛ bwese tukunu, i Yinni Gusunɔn tɔmbu tɔmɔ,
44 Mɑ Mɔwisi kɑ Yosue, Nunin bii bɑ nɑ Isirelibɑn wuswɑɑɔ bɑ bu womu ɡen ɡɑri kpuro sɑɑriɑ.
45 Sɑnɑm mɛ Mɔwisi u Isirelibɑ Yinni Gusunɔn sɔ̃ɔsi te sɔ̃ɔwɑ u kpɑ, yerɑ u nɛɛ,
46 woodɑ ye nɑ bɛɛ wɛ̃ɛmɔ mini ɡisɔ, i ye mɛm nɔɔwɔ. I de i ye bɛɛn bibu sɔ̃ɔsi kpɑ bu wɑ bu ye mɛm nɔɔwɑ kpuro.
47 I n yɛ̃ mɑ woodɑ ye, yɑ ǹ fɑɑɡin ɡɑri. Domi yeyɑ yɑ koo bɛɛ wɑ̃ɑru wɛ̃ kpɑ yu de tu dɑkɑɑ dɑ tem mɛ sɔɔ, mɛ i ko i mwɑ Yuudɛnin ɡuru ɡiɔ.
48 Yen tɔ̃ɔ terɑ Yinni Gusunɔ u Mɔwisi sɔ̃ɔwɑ u nɛɛ,
49 ɑ doo ɡuu ni bɑ mɔ̀ Abɑrimuɔ, Mɔɑbun temɔ Yerikon deedeeru, kpɑ ɑ yɔ Nɛbon ɡuurɔ. Sɑɑ min diyɑ kɑɑ Kɑnɑnin tem wɑ mɛ kon Isirelibɑ wɛ̃.
50 Guu ten wɔllɔwɑ kɑɑ ɡbi nɡe mɛ wunɛn mɔɔ Aroni u ɡu Horiɔ, kpɑ ɑ dɑ ɑ wunɛn sikɑdobɑ deemɑ.
51 Domi bɛɛ kpuro i ǹ mɑn nɑɑnɛ kue Isirelibɑ kpuron wuswɑɑɔ sɑnɑm mɛ i wɑ̃ɑ Mɛribɑn bwiɑɔ, Kɑdɛsiɔ, Sinin ɡbɑburɔ. A ǹ mɑn bɛɛrɛ wɛ̃ Isirelibɑn wuswɑɑɔ dɔmɑ te.
52 Yen sɔ̃nɑ kon de ɑ tem mɛ wɑ tontonden di mɛ nɑ nɛɛ, kon Isirelibɑ wɛ̃ mi, ɑdɑmɑ ɑ ǹ duɔ mɛ sɔɔ.