1 Ritonõpo Jesemy, Ypynanohne, saereme ahtao
2 Jotururu oya etako;
3 Popyra ehtoh tuhke toehse ya exiryke,
4 Imehnõ orihsasaka exiketõ sã ase;
5 Turumekase ywy aorihtyã ekepyry tõ rãnao;
6 Tõmase ywy oya aorihtyã ekepyry esaka,
7 Yzehno oehtoh omoxinety sã ypoko nase,
8 Turumekapose ywy oya jepe tomo a,
9 Jetuarimary ke jenuru tonukehse sã mana.
10 Ajamitunuru kurã enepõko mah aorihtyamo a?
11 Otarame aorihtyã ekepyry esao oturũko mã toto yna pyno oehtoh poko, nary!
12 Otarame moroto xinukutumã ao ajamitunuru kurã osenẽko? Otarame moroto tuenikehse ehtoh po anamonohpyra oehtoh enẽko toh nae? Nary!
13 Ritonõpo Jesemy, okohmãko ase, kuakorehmako; kokoro rokẽ ẽmepyry ae oturũko ase oya.
14 Oty katoh jurumekãko mah, Ritonõpo? Oty katoh otonẽnõko mah ywinoino?
15 Poetome jehtopõpyry poe toetuarimase ywy,
16 Zehno oehtoh ypona toehse pohkane konõto samo; japoijapoiry ke jenahkãko mase.
17 Jomyehmãko yzehno oehtoh mana zueme ehtoh samo; tapuruse ywy eya xine, tyneryse sã ase zue ao.
18 Oya turumekapose ywy jepe tomo a, ypyno exiketomo a, seromaroro ikohmamyry rokẽ tynamase jepeme.