1 Ritonõpo, oty katohme turumekase yna oya
2 Wenikehpyra exiko opoetory tõ poko,
3 Ytoytoko senohne patãpo tõ poro:
4 Atapyĩ tao oepetõkara tykohtase orẽpyra toehtohkõ poko tãkye toehtohkõke,
5 Apotopokõ akohnanõ sã toh nexiase,
6 Tywyrykõ ke te, mate tõkehko ke
7 Atapyĩ Kurã tykararahse eya xine, nono pona
8 Ynara tykase toto tukurohtao xine:
9 Onyriry tõ ajamitunuru ke onenepyra toehse yna,
10 Ritonõpo oty po ahtao yna eunohkehnõko
11 Oty katohme yna akorehmary se pyra hmahno?
12 Yrome omoro, Ritonõpo, moino ro yna Esẽme mase.
13 Ajamitunuru ke tuna konõto tapiakase oya,
14 Zakareimo Rewiatã zupuhpyry takurihmose oya;
15 Tuna enatyry tõ tyrise oya iporiry tõ roropa,
16 Ẽmepyry tyrise oya ikohmamyry roropa,
17 Sero nono ehpiry tõ tyrise oya,
18 Ritonõpo yna Esemy, wenikehpyra exiko
19 Opoetory tõ Izyraeu onekaropyra exiko
20 Wenikehpyra exiko õmihpyry poko,
21 Tyyryhmase exiketõ onyhxiropopyra exiko,
22 Owõko, Ritonõpo, onyriry ewomako!
23 Wenikehpyra exiko oepetõkara kui kary poko