1 Ritonõpo eahmatoko, okohtatohkõ ke,
2 Oeremiatoko eya, eahmaryme:
3 Ynara kahtoko eya:
4 Sero nono põkõ emero oeahmãko mã toto,
5 Osehtoko Ritonõpo nyrityã enese,
6 Nonome tuna konõto tyripose eya.
7 Tyjamitunuru ke tuisame exikehpyra mana jũme, imeimehnõ nonory põkõ enẽko mana. Ah Ritonõpo zehno exiketõ typoremãkasẽme nexĩ toto!
8 Ah emero ahno tõ Ritonõpo Kuesẽkõ eahmã toto! Oeremiatoko opore eahmatohme.
9 Towomase kymarokõ eya, isene kuehtohkõme,
10 Ritonõpo, tukuhse ynanase oya; parata kuhtoh
11 Tynomose yna oya apoitoh pona yna epukatohme,
12 Yna tytũtũmapose oya yna zehno exiketomo a.
13 Atapyĩ taka ynekarory tõ arõko ase
14 Moro ekarõko ase, tykase ywy oya
15 Kaneru tõ ekarõko ase oya jahkatohme
16 Osehtoko, amarokõ emero Ritonõpo omipona
17 Tykohmase ynororo ya jakorehmatohme;
18 Aryhnaka yyrypyry onekaropyra jahtao
19 Yrome jomiry totase Ritonõpo a rahkene,
20 “Kure mase, Ritonõpo,” ãko ase eya