1 Ritonõpo, zae nase oeahmary yna a ypy Xião po, yna omihpyry ae ro ynanekarory
2 Yna otururu etaneme oexiryke, oya ahno emero
3 tyyrypyhpyke yna exiryke.
4 Tãkye mã mokaro onymenekatyamo,
5 Ritonõpo, yna ezuhnõko mase orẽpyra
6 Ypy tõ tosaka tyrise oya ajamitunuru ke,
7 Tuna konõto panaikato exikety mynyhme
8 Onyrityã eneryke tyya xine sero nono põkõ emero
9 Sero nono pyno oehtoh enepõko mase, konopo
10 Konopo enehpõko mase itamurume tupito tõ pona,
11 Toehsehxo ahtao otytyko apoĩko itamurume,
12 Ona po onahpoty ahtãko,
13 Ekykõ tuhke jakanahmã ao exĩko mã toto.