1 Ritonõpo, moro poko totase yna a ynapanary
2 Ajamitunuru ke imehnõ ahno maropoase
3 Typyrekõ ke pyra moro nono
4 Ritonõpo, utuisaryme mase, Jesẽme roropa;
5 Ajamitunuru ke yna zehnotokõ
6 Ypyre pokoino pyra orẽpyra exĩko ase,
7 Yrome omoro mase yna pynanohneme
8 Oeahmary poko kohmãnõko ynanase;
9 Yrome seromaroro turumekase ynanase oya,
10 Morara exiryke ynanepase yna epetõkara wino
11 Yna maro pyra oexiryke,
12 Opoetory tõ tokamose oya, epehpyry pitiko poko,
13 Moro onyrihpyry yna poko enẽko mã
14 Opoe yna poihtõko imeimehnõ nonory põkõ mana;
15 Yna onutuarimanohpokehpyra mã toto,
16 ykerekeremary yzehnotokomo a etaryke ya,
17 Moro sã toehse yna a emero,
18 Eramara ynanexiase opoe,
19 Yrome oya tomase yna,
20 Omoro, Ritonõpo, toahmakehse awahtao yna a,
21 moro poko yna ahtao zuaro oexiry,
22 Yrome opokoino kokoro rokẽ yna etapãko mã toto.
23 Ritonõpo, apakako! Oty katoh nyhnõko mah?
24 Oty katoh yna poe otonẽnõko mahno
25 Toepukase ynanase nono pona;
26 Owõko yna akorehmatohme!