1 Ritonõpo Jesemy, opyno ase ipunaka!
2 Ritonõpo ytopũme konõto nase, jeraseme nase, ytapyĩ jamihmano.
3 Ritonõpo kohmãko ywy jakorehmatohme;
4 Tapurupose exiase, joorihmatoh ke;
5 Orihnõko ase tarãpa ke apoihpyry samo.
6 Typoremãse jahtao, tykohtase ywy Ritonõpo a:
7 Morarame nono tykytyky tykase,
8 Eunary ae orexĩto tutũtase,
9 Kapu totapuruhmakase eya, tyhtose ynororo,
10 Taporihke exikety pona tõtyrise toytotohme,
11 Toxiõtose ynororo akurũ konõto ke,
12 Ikarany konopoimo maro topuxikiri panono,
13 Morarame konomeru konõto tyrise Ritonõpo a;
14 Pyrou tokomase eya, sapararahme topetõkara taropose toto eya;
15 Oepetõkara tupokase ahtao oya, Ritonõpo,
16 Kaino Ritonõpo a tomary ke tapoise ywy;
17 Ritonõpo a typynanohse ywy jepetõkara
18 Jetuarimaryhtao tõsetapase ymaro toto;
19 Tonehse ywy eya, osa konõto pona,
20 Kurãkõ ke jepehmãko Ritonõpo mana
21 Ise Ritonõpo ehtoh tyrise ya, ynara onyripyra exiase:
22 Inyripohpyry omipona toehse ywy, emero porehme.
23 Jyhxiropyra imehnõ mana zae rokẽ jexiryke,
24 Naeroro kurã ke rokẽ topehmase ywy Ritonõpo a,
25 Opoko amonohkara exiketomo a,
26 Tyyrypyry poko pyra exiketomo a kure rokẽ mase,
27 Tyamene se pyra exiketõ pynanohnõko mase,
28 Omoro, Ritonõpo, saerehkaneme mase ya;
29 Yjamitunuru mekaroase ya jepetõkara etypohkapotohme.
30 Onyriry, Ritonõpo, kure rokẽ mana.
31 Ritonõpo rokẽ Kuesẽkõme mana, imepỹ pyra.
32 Ritonõpo mana yjamihtanohneme,
33 Osetapara upupuru rĩko mana
34 Osetapary poko jamorepãko mana taky tũporemã,
35 Jewomãko mase, Ritonõpo,
36 Japoipopyra mexiase jepetõkara a,
37 Jepetõkara ekahmãko ase, toto amorõkãko ywy;
38 Typoremãkase toto ya, owõsaromepyra ropa toehse toto.
39 Yjamitunuru ekarõko mase ya etonatohme,
40 Ritonõpo, opoe jepetõkara epãko mã toto,
41 Takorehmanekõ zupĩko toh mã repe.
42 Toto enahkãko ase, putoh katoh sã
43 Typynanohse exiase oya, ahno tõ rãnaino, osetaparyhtao.
44 Tyotyorõkõ omiry ae exiketõ oehnõko ya mã toto
45 Tõsetapary se pyra mã toto,
46 Isene Ritonõpo mana! “Kure mase,”
47 Jepetõkara poremãkãko mana,
48 ypynanohnõko mana yzehno exiketõ poe.
49 Morara exiryke “Kure mase,” ãko ase.
50 Tuisame orẽpyrahxo jyrĩko Ritonõpo mana.