1 Ritonõpo Jesemy, jenẽko mase ukurohtao,
2 Ynyriry waro mase emero,
3 Jerokuruhtao jenẽko mase, joseremaryhtao roropa;
4 Oturupyra ro jahtao, jotururu waro mase emero.
5 Jomye mase japurume samo,
6 Juaro oehtoh poko osenuruhkãko ase;
7 Mya jytoryhtao jenẽko ro mã Ouzenu;
8 Jonukuruhtao kapu aka, moroto mase;
9 Taporihke jytoryhtao xixi tũtatoh pona te,
10 moroto ro jesemary ae jemary poko jarõko mase,
11 Ynara karyhtao ya ixinukuturu a: “Kuapuruko,”
12 jenẽko ro mase.
13 Jeretutumuru tyrise oya juahxirirĩ kehko,
14 “Kure mase,” ãko ase oya orẽpyra oexiryke.
15 Yzehpyry tõ menene tokare pyra jyriryhtao oya;
16 Kuenene enurupyra ro jahtao.
17 Ritonõpo, kure kuhse õsenetupuhtoh mã ya!
18 Tukuhse ahtao ya, isawã motye tuhke exiry mana.
19 Ritonõpo, popynõ enahkapory se ase oya!
20 Okerekeremãko omi xihpyry ke mã toto;
21 Jesemy Ritonõpo, ozehnotokõ zehno roropa ase!
22 Toto zehno ywy yronymyryme;
23 Ritonõpo kueneko, ukurohtao juaro oehtohme!
24 Kueneko popyra ehtoh nae ahtao ukurohtao,