1 Mame tozuhse ropa Jo a, ynara tykase:
2 “Jemuhkehkary se awahtao xine, jotururu etatoko rokene.
3 Penekehpyra ehtoko jotururuhtao oya xine;
4 Ahno maro oseosezuhpyra ase,
5 Kuenetoko osenuruhkatohme,
6 Josenetuputyryhtao senohne jehtopõpyry poko oserekohmãko ase
7 “Oty katohme popyra exiketõ isene exikehpyra nae toto?
8 Tumũkue exĩko mã toto, typakõke roropa,
9 Itapyĩ tao imehnõ zuno pyra mã toto,
10 Eky tõ, pui tõkehko amonohkara emũkuãko mã toto,
11 Imũkuru tõ tururume ytõko mã toto kaneru poenõ samo,
12 Eremiãko mã toto,
13 Popyra exiketõ kure ehtoh apoĩko mã toto, kurehxo ehtoh ke roropa,
14 “Moro sã toto ahtao ro Ritonõpo a ynara ãko mã toto:
15 Onoky mokyro, Ritonõpo Jamihmehxo Exikety, eahmapotohme yna a?
16 Popyra exiketõ ynara ãko mã toto:
17 “Otara ahtao popyra exiketõ ezuru tozehse nexiase?
18 Otara ahtao popyra exiketõ typahse Ritonõpo a tiriiku akumuru samo,
19 “Ynara ãko matose: ‘Ahno mũkuru wãnohnõko Ritonõpo mana jũ rypyry emetakame.’
20 Ah mokyro iirypyryme exikety tuãnohsẽme nexino, sam katohme,
21 Yrome, toorihse ynororo ahtao, aorihtyã esao ynororo ahtao, oty kara mana tyekyry atasamary poko.
22 Ahno Ritonõpo Jamihmehxo Exikety amorepãko nae, kapuaõkõ apiakaryhtao eya?
23 “Ahno nae tãkye exiketomo, jamihme, torẽtyke pyra toorihtohkõ poko,
24 tyrohsẽke pyra, kure rokene.
25 Mãpyra imehnõ tyoro sã mã toto, tãkye ehtoh onukuhpitopyra,
26 Yrome oxisã etyhpyryme orihnõko mã toto.
27 “Õsenetupuhtohkõ waro ase.
28 Ekaropõko matose:
29 “Ytoketõ maro oturupyra ro mexiatose?
30 Ynara ekarõko mã toto:
31 Mokyro onyhxiropyra imehnõ mana inyrihpyry xihpyry poko.
32 Mokyro ekepyry tarose ahtao zonẽtoh pona, erase tõ moroto eraximãko mã toto.
33 Ahno tuhkãkõ miu motye mokyro ekepyry ekahmãko mã toto,
34 “Jepe tomo, jemuhkehkasaromepyra matose,