1 Mame Jo a tozuhse, ynara tykase ynororo:
2 “Tuaro exiketõ sã oturũko matose.
3 Yrome ywy roropa zuaro ase,
4 Jeunohnõko jepe tõ mana, ywy, ajohpe pyra exikety, zae exikety.
5 Etuarimaketõ poihtõko towomaneke exiketõ mã toto,
6 Omato kõ torẽtyke pyra mã toto tytapyĩkõ tao,
7 “Zopaa, ekaropoko torõ tomo a, onokyro tomo a roropa,
8 Ekaropoko onokyro a, nono poro ytoketomo a, tuna konõto kuaõkomo a,
9 Mokaro emero zuaro mã toto,
10 Onokyro isene emero Ritonõpo poe mã toto.
11 Jepe tomo, omi etary sã kypanarykomo a, omi kurã apiakary samo, omi xihpyry winoino.
14 Itahkaryhtao Ritonõpo a, onyrisaromepyra ropa ahno mana.
15 Konopo onenehpopyra Ritonõpo ahtao tonore exĩko mana.
16 “Ritonõpo jamihme mana,
17 Tuisa tõ tuaro ehtoh puxihkãko ropa Ritonõpo mana.
18 Tuisa tõ tuisame pyra tyripõko Ritonõpo mana,
19 Oturuketomo, orẽpyra exiketõ roropa imehnõ poetoryme toto rĩko mana.
20 Zae ehtoh poko imehnõ amorepananõ rĩko mynyhme Ritonõpo mana osepeme toto ahtao ro.
21 Tuisamehxo exiketõ hxirõko mana.
22 Saerehkatoh aropõko mana, tonẽse exiketõ xinukutumao enepotohme.
23 Ahno tõ imehxo tyripõko mana jamihme roropa.
24 Ahno tuisary tõ putupyra exiketõ sã tyripõko mana.
25 Ixinukuturu htoko toytorykõ kuhnõko mã toto,