1 Yrome seromaroro Ritonõpo, Orihpono, ynara ãko Izyraeu a:
2 Tuna zuemã rãnakuroko oytoryhtao, amaro ase,
3 Ritonõpo Oesẽkõme jexiryke, Izyraeu tõ Rihpono kurano, Opynanohnekomo.
4 Imehnõ nonory põkõ, ahno tytororo ekarory opynanohtohme, typynehxo oexiryke ya,
5 Enaromyra exiko; amaro jexiryke!
6 Inikahpoẽkomo a ynara tyripõko ase: ‘Ah mokaro nytõ toto,’
7 Mokaro emero ypoetoryme mã toto;
8 Ritonõpo Kuesẽkõ ynara ãko:
9 Imeimehnõ nonory põkõ ahno tõ emero enehpotoko oximõme toto ehtohme Apiakatoh tao.
10 Ritonõpo ynara ãko: “Izyraeu tomo, omoro jeneneme mase;
11 Ywy ro rokẽ Ritonõpome ase,
12 Jomihpyry etapoase oya xine: ‘Imeĩpo opynanohtorỹko ase.’
13 Ywy Ase Ritonõpo, jũme exikehpyra exĩko ase.
14 Ynara ãko Ritonõpo, Opynanohnekomo, Izyraeu tõ Esẽ Kurano, typoetory tomo a:
15 Ywy ase Ritonõpo Oesẽkõ kurano,
16 Pake ahtao osema tyrise Ritonõpo a tuna konõto rãnakuroko,
17 Soutatu tõ jamihmãkõ typoremãkase eya, tuhkãkomo, kahu tõ osetapaketõ maro te, kawaru tõ maro.
18 Yrome seromaroro ynara ãko Ritonõpo Kuesẽkõ mana typoetory tomo a:
19 Seromaroro ynyriry tyrisenã sã tyrĩko ase,
20 Onokyro tomo a toahmasẽme exĩko ase, kaikuxi tomo a, torõimo awexituruze tomo a roropa,
21 Mokaro ynyrityãme mã toto ypoetoryme toto ehtohme jeahmatohme.”
22 Ynara ãko Ritonõpo mana typoetory tomo a:
23 Okyno tõ kaneru tõ onenehpyra mexiatose jahkatohme onekarorykõme ya,
24 Ixtaratu onepekahpopyra exiase oya xine ekarotohme ya,
25 “Yrome ywy, ywy roro, Ritonõpo Oesẽkõme ase,
26 Ypoetory tomo, yhxirotoh nae awahtao xine, ehmaropa Apiakane ẽpataka;
27 Atamurukõ tyyrypyhpyke toehse;
28 Ytapyĩ Kurã nuriame tyripose otuisarykomo a.