1 Ynara ãko Ritonõpo Kuesẽkõ mana:
2 Oturuko ipynanopyryme Jerusarẽ põkomo a, toto eahmaryme zuruko toto,
3 Opore ahno oturũko mana, ynara ãko:
4 Jakanahmã emero tynonotosẽme exĩko osepune aehtohme,
5 Morarame saeremehxo toehtoh enepõko Ritonõpo mana,
6 Imepỹ kohtãko mana, ynara ãko:
7 Onahpoty anorỹko mana,
8 Onahpoty anorỹko mana, ekuru ohpahnõko,
9 Omoro, omi kurã ekaroneme mase Jerusarẽ põkomo a,
10 Ritonõpo Kuesẽkõ oehnõko mana tuisamehxo ehtohme;
11 Kaneru tõ pyno exikety sã, typoetory tõ pyno Kuesẽkõ mana;
12 Onoky a tuna konõto tukuhse tomary ke?
13 Ritonõpo osenetupuhtoh waro pyra ahno mana.
14 Onoky a Ritonõpo tamorepase zuarohxo ehtohme?
15 Ritonõpo a ahno tõ emero sero nono po toiro tuna pitahkatoh sã mã toto poketi ao,
16 Ripano po wewe tõ emero porehme ipune pyra exiry jahkatohme kynekarorykõme Ritonõpo a emero motye imehxo aexiryke.
17 Ritonõpo a ahno tõ emero sero nono po arypyra sã mana;
18 Onoky sã Ritonõpo nae?
19 Ahno nyrihpyry sã pyra mana,
20 Uuru onepekahsaromepyra exikety a parata roropa,
21 Zuaro pyra hmatou?
22 Ritonõpo mokyro exikety mã tapõ po iporotyhpyry sero nono epoe,
23 Tuisa tõ jamihme exiketõ tuisame pyra tyrĩko ropa mã ynororo jamihme pyra toto ehtohme.
24 Otyro ẽxihtary sã mã toto, imity tõ pisarara samo.
25 Onoky sã Ritonõpo nae?
26 Enetoko ke kakoxi kapu poko xirikuato tomo.
27 Izyraeu tomo, oty katohme ykerekeremãko matou?
28 Zuaro pyra hmatou?
29 Totaehse exiketõ jamihtanohpõko ropa mana,
30 Poetome ro exiketõ etaehnõko mã toto, apotũkehnõko;
31 Yrome Ritonõpo enetupuhnanõ mã jamihme exĩko ropa.