1 Sero nase urutõ Apakuke oturutopõpyry Ritonõpo a, eremiatohme tymerose eya.
2 Ritonõpo, imehnõ nekarohpyry onyrihpyry poko totase ya, osenuruhkãko ase.
3 Ikurenae Etõ nonory poe Ritonõpo toehse,
4 Saereh ãko mã ynororo xixi saerehkatoh samo.
5 Osemazuhme esemary ae popyra ehtoh konõto ytõko mana.
6 Totypohse ynororo ahtao,
7 Kuxã põkõ enease torẽtyke,
8 Ritonõpo, tuna tõ zehno mexiahse?
9 Taky tapoise oya, opyre tõ maro.
10 Ypy tõ oeneryke tykytyky tykase kehko;
11 Xixi tõ nuno maro totypohse toh nexiase
12 Tohne oexiryke mytoase emero porehme nono poro,
13 Mytoase opoetory tõ pynanohtohme,
14 Opyre ke soutatu tõ tuisary taorihmapose oya,
15 Oeky tõ, kawaru tõ po, tuna konõto kuao toytoytose omoro, pohkane akurome exikety htoko.
16 Morohne etaryke ya oserehnõko ase,
17 Wewe tõ eperytara ahtao ro,
18 “Kure mase Ritonõpo,” ãko ase eya.
19 Yjamitunurume Ritonõpo mana.