1 Wajcaw, ntin te'ju' na incolwit wib.
2 Chin cole'u', na na waj ne'l liwr ẍchik'ab incontr.
3 Oku' tetz colol wetz chi na ban jun ama'l kale na chicolwit quib yi e' wunak ẍchik'ab chicontr.
4 Ilu' inRyosil, chin cole'u' ẍchik'ab yi e' mal nak.
5 Chin cole'u' Ta', ilu' Wajcaw. Na jetz yi inxiquil tzaj, cho'n k'uklij inc'u'l te'ju' yi tz'ocoponu' tan wuch'eye'n.
6 Wajcaw, te yi ntaxk nitz'ij, te yi atin twankil intxu', sken ocu' tan wuch'eye'n.
7 Yi nchintx'acon, ja che'l yab wunak swe'j.
8 Cha'stzun te cyakil nin k'ej, na chintzan tan tak'le'n ink'ajsbil teru', nin na chintzan tan tak'le'n k'eju'.
9 Qui'k chin tilcyenu' yil tijin inc'u'l.
10 Na cyakil yi e' incontr, nternin na chitzan tan joyle'n puntil tan imbiyle'n cu'n.
11 “Or, kajoye' puntil tan stz'amle'n cu'n.
12 Ilu' inRyosil, qui bin chin tilcyenu'.
13 Ma yi e' incontra'tz, lok tz'el cyetz chitx'ix, lok che'l cu'n tanu' swutz.
14 Poro yi in wetz, quil chinquim.
15 Cyakil nin k'ej, swale' yi ja ocu' tan incolche'n ẍchik'ab yi e' incontr.
16 Ncha'tz tzintxole' cyakil yi e'chk takle'n balaj yi na banu'.
17 Ilu' inRyosil, jetz yi injuyil tzaj, ja ẍchaju' yi balaj ajtza'kl swetz.
18 Qui bin chin tilcyenu'.
19 Na yi balajilu', chumam nin, na na jepon cu'n jalen tcya'j.
20 Ilenin ja ul sotzaj c'u'lal tzinwutz.
21 Poro jalu', ja jal junt tir ink'ej tanu', na ja ocu' tan inmayse'n tk'ab sotzaj c'u'lal.
22 Cha'stzun te ilenin swak'e' ink'ajsbil teru'.
23 Chintzatzink, yil wak' ink'ajsbil teru'.
24 Ej nin cyakil tkuj swale', yi chumbalaj ninu', nin yi chin tz'aknak cuninu', na yi e', yi ja cho'c tan joyle'n puntil tan inquime'n, e' te'n me'l chitx'ix.