1 Wajcaw, yi ilu' inRyosil, chin colpe'l tzaju' na txant tan imbek'xe'n.
2 Na txant tan imbene'n mulk'uj xe jun a'.
3 Elk bin k'ajabu' swe'j Wajcaw, na nternin so'yt inkul tan sich', tan jakle'n ẍch'eybil wetz teru'.
4 Na wi'nin chijale'n yi e' yi na chi'ch chic'u'l swe'j.
5 Ilu' inRyosil, sak swutzu' yi qui'c nin mu'ẍ skojal walma',
6 Wajcaw, ilu' inRyosil yi jun yi cya'l na xcye' quen te'j.
7 Tan paj yi xomchin te'ju' Ta', na icy'pon wi'nin jisbil wetz wa'n.
8 Na ni'cu'n in tu jun awer nak ẍchixo'l yi e' witz'un.
9 Ej nin na je' tzinwutz, yi qui na cyak' wunak k'ej yi ca'lu'.
10 Na yi na no'c tan muc'le'n we'j, nin tan o'kl, tan tak'le'n k'eju', na cho'c tan xbajtzi'i'n swe'j.
11 Ej nin tircu'n na chitze'en swe'j, yi na oc e'chk be'chok swe'j yi na ẍchaj yi na chimbisun tan wil.
12 Tircu'n e', na chitzan tan inyolche'n.
13 Cho'n na cu' inwutz teru' Ta'. Chin ẍch'eyaju'.
14 Quil tak'u' ama'l tan imbene'n tul il.
15 Quil tak'u' ama'l tan wele'n wi a' tane'n.
16 Wajcaw, elk k'ajabu' swe'j, na na cu' inwutz teru'.
17 Qui bin stew tibu' tzinwutz, na na chimbisun, na atin tul sotzaj c'u'lal.
18 Sajk binu' tan wuch'eye'n.
19 Sak swutzu' yi mbi na chiban swe'j.
20 Ej nin tan yi e'chk takle'na'tz, yi na bajij swe'j, na bisun walma', nin qui'ct inwalor at tan paj.
21 Ja cu' wenen cyak'un te yi inwa'.
22 Ma jalu' Ta', cyakil yi e'chk balaj wa'a'n yi na chitzan cyetz tan xtxumle'n, nink xcon tan chicu'se'n.
23 Nink cho'c moyi'ẍ tanu'.
24 Ticy'se'u' c'u'lu' scye'j yi incontra'tz. Tak'e' chicaws.
25 Elk cu'n chinajbil swutz.
26 Na na chitzan tan chibiyle'n yi e' yi na chibisun.
27 Tak'u' chicaws, na chin juchul il nin e'.
28 Tzajscunu' chibi' tul planiy kale tz'ibane't chibi' yi e' yi ẍchicambok te yi itz'ajbil.
29 Poro elk bin k'ajabu' swe'j wetz Ta'.
30 Swak'e' ink'ajsbil teru', ilu' inRyosil.
31 Na mas na tzatzinu' yi na kak' k'ajsbil teru', swutz yi na kapat jun chin mam tor tetz katx'ixwatz.
32 Ej nin yil quil cyakil yi e' tal prow yi na chibisun, yi na tzatzinu' te yi ink'ajsbil yi na chintzan tan tak'le'n teru', squiwixk chic'u'l tan chixome'n mas te'ju'.
33 Na tz'elepon chitxum tetz, yi na tbitu' chitzi' chikul yi e' tal prow me'ba' yi na chibisun, nin yi at ninu'-tz tan quich'eye'n yi e' teru', yi ate' pres.
34 Cyak'e'u' bin chik'ajsbilu' tetz Kataj, cyakil yi e'u' yi ate'u' wuxtx'otx'.
35 Na tz'ocopon Ryos tan colche'n yi ama'l Sión, nin jepon xtxicbal i' junt tir yi e'chk tnum cwent Judá.
36 Nin cyakil chixonl yi e' ẍchakumu' scyetzaje' yi ama'la'tz.