1 Ilu' inRyosil tbite'u' yi na chinxochon teru'.
2 Chin tew cunu' ẍchik'ab yi e' mal nak, yi ja oc chitxumu'n tan imbiyle'n.
3 Na cyakil yi e'chk yol yi na eltzaj le chitzi', chin xo'wbil nin.
4 Nin yi e' wunaka'tz, ewun cu'n na cho'c tan kaxite'n yi o' yi qui'c quil.
5 Na chinimsaj quib tan banle'n mal tetz junt.
6 Poro na el te chic'u'l yi at jun yi na tzan tan chixmaye'n, nin tan tbite'n yi mbi i ila'tz yi na chitzan tan banle'n.
7 Cha'stzun te, Ryos tz'ak'onk chicaws yi e'a'tz, nin quinin tz'icy' scyetz yil chilo'on ta'n.
8 Ej nin e' te'n chibaj tc'u'l yi chiyol.
9 Kalena's tzun cho'c cyakil wunak tan tak'le'n k'ej Ryos. Ej nin ẍchitxole' yi mbi cu'n mban i', na tz'elepon chitxum tetz yi ẍchamil i'.
10 Poro cyakil yi o' ketz yi skoj cu'n te kalma', yi o' yi jicyuch te kajtza'kl, skatzatzink, na na kajak ẍch'eybil ketz tetz Ryos.