1 Wajcaw, ilu' inRyosil, nternin na joyonu' swetz.
2 Poro yi wetz wajbil i'tz yil nopon xe ca'lu', tan wilol yi poreru' nin yi k'eju'.
3 Na yi banl talma'u' swibaj, i'tz mas balaj swutz yi ank'i'n tetz tzone'j wuxtx'otx'.
4 Swak'e' k'eju' te yi cobox k'ej yi atin tzone'j wuxtx'otx'.
5 Na ko tetz cu'n walma' yil tzinjoyu', chintzatzink.
6 Wajcaw, te yi coylchin wi insoc na ul tx'akxuju' tinc'u'l.
7 Na ntin cu'n ilu' ch'eyl wetz.
8 Ej nin junawes wak'o'nt wib tk'abu', nin ch'inu'n chin tanu'.
9 Ma yi e' incontr yi na cyaj yil chinquim, e' te'n ẍchiquimok, nin nchiben cye'tz xetze' ẍchixo'l alma'.
10 Ẍchiquimok tan spar, nin yi chiwankil sbajk cyak'un txuc.
11 Poro yi kareyil stzatzink tera'tz tk'ab Ryos.