1 Je yol yi Kataj yi wi'tz Ryos.
2 Cho'n at i' le yi wi'wtz Sión yi chin yube'n nin.
3 Yil tz'ul i' tan cawu'n nk'e'tz ewun cu'n tz'ul, ma na bajxij jun chin wutzile'n k'ak' swutz.
4 Chu'l molol cyakil wunak tan cyoque'n tetz stiwil yil tz'oc i' tan tak'le'n caws yi tetz tanum.
5 Ej nin je yol i'e'j:
6 Nin cyakil yi e' yi ate' tcya'j scyale', yi i' yi mero balaj pujul xtisya' yi qui na je k'ab twi' jun.
7 Ncha'tz na tal i':
8 Qui na chintzan tan talche'n tzitetz, yi qui'c xac cyakil yi e'chk itx'ixwatz yi na ipatwok swetz, nka yi qui'c xak cyakil yi e'chk oy yi na itak'wok swetz.
9 Poro yi mero bintzi i'tz yi qui tajwe'n swetz.
10 Wetz cyakil jilwutz txuc yi at bene'n tzi'n wi munt.
11 Wetz cyakil jilwutz txuc yi na chixicy'in tcya'j.
12 Yi nak waj baj jun wetz wa'n te yi e' txuca'tz qui tajwe'n tan injakol tzitetz, na wetz cyakil yi at wuxtx'otx'.
13 ¿Na pe tzun baj yi e'chk ẍchi'bel yi wacẍ wa'n yi na itoywok swetz?
14 Mas balaj yi nink cxtyoẍinwok swetz yi in yi wi'tz Ajcaw, swutz yil tzitak' jun c'oloj itx'ixwatz.
15 Nin yil cxo'cwok swutz il, ba'n tzun tzijakwok ẍch'eybil itetz swetz.
16 Poro ncha'tz stale' i'-tz scyetz yi e' juchul il:
17 Chumbalaj nin axwok tane'ntz, poro iwutz tu', iplaj tu'.
18 Na ilenin axwok alk'om, nin axwok aj xna'ninl.
19 Chin la'j nin axwok, nin chin txumul yol nin axwok.
20 Yi axwok itetz na cu' ichem tan chiyolche'n yi e' wunak.
21 Ya'stzun na ibanwoktz.
22 ”Or tzitilwok, quil tz'el inyol te ic'u'l.
23 Na yi e' yi na cyak' ink'ej, ya'stzun yi e' yi na chityoẍin swetz.