1 At wi'nin k'ej Kataj.
2 Chumbalaj nin yi wi'wtz Sión yi at lije'n kale najle't Kataj.
3 Yi kaRyosil cho'n at le tetz ca'l yi at Jerusalén.
4 Na yi e' ajcaw lakak tnum, je'nak chimolol quib tan oyintzi' te'j.
5 Poro yi quilol yi jun balaj tnuma'tz, nin e' xobtz, nin e' el ojk.
6 Wi'nin chixobe'n yi cyele'n ojk.
7 Ja che'l xit chi na ban chibarc yi e' aj Tarsis yi na oc bowl jun chin cyek'ek' scye'j.
8 Ja kubit cyakil yi e'chk takle'n balaj yi bnixnak tan kaRyosil, yi Kataj yi cya'l jun na xcye' quen te'j.
9 Cha'stzun te ilu' kaRyosil, te yi ato' xe yi teru' ca'lu', na ko'c tan xtxumle'n cyakil yi banl talma'u'.
10 Nin cyakil wunak bene'n tzi'n na chitzan tan tak'le'n k'eju', na at wi'nin k'eju'.
11 Cyakil yi e' yi ate' le wi'wtz Sión na chitzatzin.
12 Ma jalu' or cyeru'.
13 Chixmayninu' yi jun chin balaj tapij yi at solte'j yi ama'l, tu yi e'chk balaj ca'l yi at.
14 Ba'n chitxolu' scyetz yi ya'stzun tane'n yi ketz kaRyosil, nin yi sbajxok i' skawutz, sbne' opon tunintz.