1 KaRyosil, i' colol ketz.
2 Cha'stzun te quil kaxob, mpe nink ẍchuc tib cyakil yi munt, nin mpe nink tz'icy' yi e'chk wutz xe mar.
3 Mpe nink jincan yi mar, nka nink ẍchek'e'n tib yi pak'bil mar, quil kaxob.
4 Na at jun tzanla' yi na tak' tzatzin tetz yi tnum tetz Ryos.
5 Stz'a'tok yi wi'tz Ajcaw le jun tnuma'tz.
6 Cyakil yi e' nación ẍchixobok, nin wi'nin ẍchilucne'.
7 Na yi kaRyosil xomij ske'j, yi Ryos yi cya'l na xcye' quen te'j, i' yi Ryosil kamam Jacow, ite'n nin i' colol ketz jalu'.
8 Or bin cyeru' chisajku' tan xmaye'n cyakil yi e'chk takle'n balaj, yi ja bnix tan Kataj tzone'j wuxtx'otx'.
9 Na ja xcye' tan makle'n e'chk oyintzi' bene'n tzi'n wi munt.
10 Ma jalu', je yol i'e'j: “Makwok itib te oyintzi' swe'j.
11 Na xomij yi Kataj Jehová ske'j, yi jun yi cya'l na xcye' quen te'j.