1 Kak'e' kak'ajsbil tetz Kataj tetz cu'n kalma'.
2 Txowi'n jun xbu'k tanu' yi wi'nin na txekun.
3 Ja je' xtxicbalu' yi ca'lu' wi a'.
4 Yi cyek'ek'a'tz, ya'stzun ẍchakumu'.
5 Ja bixe' yi wuxtx'otx' tanu' tibaj yi tetz c'olchbil.
6 Pi'lij yi a' tibaj tanu', chi ik jun chin xbu'k.
7 Poro yi cawune'nu' te'j, lajke'l nin ma'j tanc'ul tib.
8 Ja xon wi'ak wutz. Ja xon tulak joco'j.
9 Ja bixe' cyen e'chk mojomil tanu', bantz qui saje'n kojxuj junt tir tan jople'n yi cojbil.
10 Ilu' nuc'ul cyen tetz yi e'chk ne'ẍ a' yi na xon lakak siwun.
11 yi na xcon tetz quic'a' yi e' smaron txuc.
12 Nin stzi'ak yi e'chk tzanla'a'tz ya'stzun na ch'uye't yi e'chk lmak tze' tanu'.
13 Ncha'tz ilu' na k'a'jan e'chk ju' wutz tan yi a'bal yi na saj tanu' jalen tcya'j kale najle'tu'.
14 Ilu' na ch'uysan e'chk ch'im tetz chiwa' yi e' txuc.
15 yi ixi'n, yi na ak'on chiwalor, nin yi ta'al uva yi na ak'on tzatzin scyetz, nin yi na xcye' tan litz'une'n mas chiwutz swutz yi aceitil oliw.
16 Tan yi a'bal yi na tak' tzaju', na k'a'xij e'chk tze', yi e'chk cedro yi na ch'uy Líbano, yi ilu' nin awal tetz.
17 Ej nin te yi e'chk tze'a'tz, ya'stzun na bnixe't chisoc yi e' ne'ẍ ch'u'l.
18 Ej nin wi'ak e'chk ju' wutz, ya'stzun chinajbil e' smaron chiw.
19 Ilu' bnol tetz yi xaw tan tajle'n tajlal xaw tul jun yob.
20 Ilu' txumul tetz yi lak'bal.
21 Yi e' balum, na chiẍch'in te yi na chijoy chiwa'.
22 Ma yi na je'ul k'ej na chipakxij junt tir lakak chisoc tan watl.
23 Ma yi e' wunak, ya'stzun na che'l tzaj cyetz tan ak'un wi cojbil.
24 Wi'nin e'chk takle'n yi ja bnix tanu' Ta'.
25 Ncha'tz ilu' bnol tetz yi mar yi chin xe' nin.
26 Cho'n na chixon e'chk lmak barc tibaj.
27 Ilu' ak'ol chiwa' cyakil yi e' txuca'tz.
28 Na yi na tak'u', ntin bajse'n na chiban cyetz.
29 Ma kol quil tz'ocu' il scye'j, na oc xya'yil chiwi'.
30 Poro ilu' ak'ol tetz chixew, na ilu' bnol cyetz.
31 Yi teru' k'eju' quil sotz tera'tz.
32 Yi na xmay tzaju', quenin na yucan yi wuxtx'otx'.
33 Jalen pe'k yi itz'ine't, swak'e' ink'ajsbil tetz Wajcaw yi inRyosil.
34 Na klo' waj yil tzatzin i' te intxumu'n.
35 Lok chisotz yi e' juchul il yi ate' wi munt.