1 Kak'e' kak'ajsbil tetz Kataj tetz cu'n kalma'.
2 Kak'e' kak'ajsbil tetz Kataj tetz cu'n kalma'.
3 Na i' na cuyun cyakil yi kapaj, nin i' na tz'ac'an cyakil e'chk jilwutz ya'bil yi na oc lac'p ske'j.
4 Qui na tak' i' ama'l tan kaquime'n chan, na na pek' i' ske'j, nin na tak' i' yi banl talma' squibaj.
5 Nin ja tak' i' cyakil e'chk takle'n balaj sketz.
6 Yi Kataj chin tz'aknak cu'n i' yi na cawun tan chicolche'n yi e' yi na chitij q'uixc'uj.
7 Talnak i' yi tetz tajbil tetz Moisés.
8 Yi Kataj, chumbalaj nin i', na na el k'ajab ske'j.
9 Nk'e'tz cha'tz cyen tunin i' tan makle'n kawutz.
10 Nin qui na tak' i' yi kacaws yi at klo' ak'bil tetz tan kapaj tu katx'ok'be'n yi kajuchnak swutz i'.
11 Wi'nin banl talma' i' scye'j yi e' yi na cyak' k'ej i'.
12 Ma yi kil, kajpe'n nin mpone't ta'n.
13 Xomij Kataj ske'j yi o' yi na kak' k'ej i', nin wi'nin na pek' i' ske'j chi na pek' jun yaj scye'j yi e' tal nitxajil.
14 Na na el xtxum i' sketz yi ẍe'n kutane'n.
15 Ej nin yi ank'i'n yi ak'ij sketz ni'cu'n tu jun buch yi at xo'l xtze' yi jalcu'n na lo'on tan k'ej.
16 Jalcu'n na lo'on tan cyek'ek'.
17 Poro yi banl talma' Kataj quinin bajsbe'n tetz scye'j yi e' yi na cyak' k'ej i'.
18 Stz'a'tok yi banl talma' i' scye'j yi e' yi na chiban tane'n yi trat yi bnixnak ta'n, yi e' yi na cho'c c'ulutxum jak' ca'wl i'.
19 Yi Kataj cho'n c'olchij jalen tcya'j tan cawu'n.
20 Kak'e' bin kak'ajsbil tetz.
21 Ncha'tz cyakil yi e'u' ángel yi e'u' sanlar tetz Ryos, cyak'e'u' chik'ajsbilu' tetz.
22 Ncha'tz cyakil yi e'chk takle'n yi bnixnak tan Ryos yi at bene'n tzi'n, tcya'j tu wuxtx'otx', cyakil yi e'chk takle'n yi at jak' ca'wl i', tajwe'n tan cyak'ol chik'ajsbil tetz.