1 Apuru tuke wina nintirjai amincha:
2 Apuru nayaimpinam pujame nu, amin pachisan pengker nintimsan kakaran chichaktasan wakerajai.
3 Wina nemasur ainau amin shamraminak tupikinawai,
4 Ame nekasam chicham iwiarin asam,
5 Ami chichammin umirtamchau ainau jiyakume.
6 Wina nemasur ainau jakaarmayi.
7 Antsu wina Apur tuke aints ainaun inawaitai.
8 Tura tunau nekamtikin asa,
9 Aints wait wajainaunka wina Apur ejaktinuitai.
10 Apuru amin eatmina nuka ameka ajapamka ukuatsme.
11 Ii Apuri Jerusalénnum ni aintsrin inawa nu nintimsaram kanta kantamataram.
12 Waitnasar pujuinaunka kajinmatsuk,
13 Apuru wait anentrurta.
14 Wikia Jerusalénka waitirin wajasan,
15 Amin umirtamkacharu ainau aints ejatkanam napinawa nunisarang ainawai.
16 Apur ningki pasé aints ainaun ni turamurijai metek wait wajaktiniun suwitai tusa nekamtikui.
17 Nu pasé aints ainauka Yusen umirkacharu asar,
18 Antsu kuikiartichu ainaun Yuska tuke kajinmatsui.
19 Apuru wajakim
20 Apuru wina shamrukarti tusam nintimtikrarta.