1 Apuru ¿waruka timiá aráksha pujame? ¿Wi wait wajaisha waruka anumkamsha pujame?
2 Pasé aints ainau:
3 Pasé aints ainauka ningki nintimsar:
4 Tura meemasar pajakiar chichainak:
5 Tu nintiminauka tuke ni takatrin takakminau asar yuumatsuk pujuinawai.
6 Tura ningki nintimtumasar:
7 Tuke inaitsuk chikich ainaun jiyainak pasé chicharin ainawai.
8 Nu pasé aints ainauka ayamrumichun nangkamiar maawartas anumkar,
9 Juun yawaa kuntinun esai yuwatas waanam nakawa nunisang mangkartin anumak aints mianchaun nakawai.
10 Juun yawaa tsekengtias kaemua nunisang mangkartin aints ayamrumichun achiawai.
11 Pasé aints ainauka:
12 Apuru wajakim uwejem yakí takuim ami aintsrum ainau ayamrukta.
13 Yusru ¿warukaya pasé aints ainau amin pachitmasar pasé chichainawa?
14 Antsu ameka nu aints ainau pasé turamuri wainkau asam,
15 Ame pasé aints ainau kakarmari nepetkata.
16 Apuru ii Yusri asam,
17 Apuru mianchau ainau seamuri antu weame.
18 Apuru mitaik wait wajainausha ayamrukta.