1 X̱anto' Dios, da' x̱tanḻe'e žoe ḻawto' Le',
2 Nakḻe'e x̱tan ẕzenlto' benne' ka' zil-le kan žeyache' ḻáže'lo' neto',
3 Žoḻto' chegak da' ki, na' ẕchinnto' da' žóḻ-ḻento'
4 X̱ana' Dios, ni'a che da' žono' Le' žebéḻe'ela'.
5 Ẕenḻe'e nak da' beno', X̱ana' Dios,
6 Batkle chejní'igekle benne' ḻaẕdo' zide ka',
7 Kate' ẕgólegak benne' ka' ẕbej yíchjgake' Dios kan ẕgole yix̱e',
8 Le', X̱ana' Dios, nakkzo' Dios ẕente.
9 Nak bia' da' gak chegak benne' ka' ẕží'igake' chio' Ḻe', X̱ana' Dios.
10 Le' žono' ga nakža' neda' waḻe kan nak to beže.
11 Da' likze ḻe'ela' benne' ka' bi ẕḻé'egekle' neda' chawe'
12 Changak benne' chawe' ka' ka žongak yag zina' ka'.
13 Zej nake' ka to yag da' zen ḻo ḻi'a yodo' che X̱anžo Dios,
14 Zej nake' ka yag ka' ẕbíagaken kate' ngóleḻe'egaken
15 Benne' ki wzéngekle' benách ka' nak X̱ana' Dios ḻi ḻaže',