1 X̱anto' Dios, to chi'ize nakkzo' Le' to gan že' cháwe'to'.
2 Ža ni'te kate' bi na' gono' ya'a ẕen ka', na' bi na' soa yežlyó nga,
3 Žono' ga žeyakgak benne' ka' da' gókgake',
4 Chio' Le' to mil yiz
5 Ka' gaze ẕkwaso' benne' ka' ka žon to nis wbá'a.
6 Zej nake' ka to yeje yix̱e' da' žaljen zildo',
7 Ẕbia yi'to' dan' ẕžo'o neto'.
8 Ẕḻe'elo' yógo'te da' bi nak chawe' da' žonto'.
9 Ẕzacho'o yiz cheto' dan' ẕžo'o neto'.
10 Ka zej nak ža zoato' nbanto', zej nakzen chonnlalj chi yiz,
11 ¿Noẕ benne' nnezle' binlo ka nak yeḻa' ẕža'a chio'?
12 Bsedle neto' wkonlto' binlo žin ža cheto' ka', nich gak chejni'ilto' cháwe'do'.
13 X̱anto' Dios, beyón neto' toze ḻen Le'.
14 To to zil bzoa yichj ḻáẕdo'to' yeḻa' ži'i ḻaže' chio',
15 Benn cheto' yiz zan nich yebelto' ka zej nak yiz bsáka'ḻi'o neto',
16 Be' neto', benne' wen žin chio' ka', latje ḻe'elto' da' ẕen da' žono',
17 X̱anto' Dios, ben chawe' neto'.