1 X̱ana' Dios, Le' žeslakzo' neda'.
2 Benle da' ẕchaḻja' ḻawo' Le',
3 Žedó ḻaža'a ḻo da' bi nak chawe' da' žaken chia', na' ba zoa' gata'.
4 Ẕḻé'egekle benne' ka' neda' ka to benne' gat, dan' žatḻe'e ni'a na'a.
5 Nga'na' ka'ze ladjw benne' gat ka'.
6 Žak chia' ka bzoakzo' neda' to ḻo yežw gže',
7 Žekla' ẕžá'aḻi'o neda'.
8 Beno' ga bebíga'gak lježa' ka' gan zoa'.
9 Ẕchoḻ yej ḻawa' ni'a che da' ẕzáka'ḻi'a.
10 ¿Ḻen yeḻa' wak che ya'abá gákḻeno' benne' gat ka'?
11 ¿Ẕchaḻjgak benne' ka' zej ngache'e yežw ba che yeḻa' ži'i ḻaže' chio'?
12 ¿Yeyónbia'gak benne' ka' zej yoe'e latje choḻen' ka nak da' ẕente da' žono'?
13 San neda' žḻiža' Le', X̱ana' Dios.
14 ¿Biẕ chen' žebéj yichjo' neda', X̱ana' Dios?
15 Ẕzáka'ḻi'a, na' ba zoa' gata'.
16 Žekla' ẕžá'aḻi'o neda'.
17 Zej nyechjle da' ki neda' dot ža.
18 Beno' ga bebíga'gak lježa' ka' gan zoa',